Բուքմեյքերները հավատում են «Արարատ-Արմենիայի» հաջողությանը

Այսօր Երեւանի ժամանակով 22.00-ին Լյուքսեմբուրգում Երեւանի «Արարատ-Արմենիա» ֆուտբոլային թիմը Եվրոպայի լիգայի փլեյ-օֆֆ փուլում կմրցի տեղի «Դուդելանժի» հետ, որին Երեւանում հաղթել էր 2:1 հաշվով:

Բարդ եւ լարված հանդիպում է սպասվում, քանի որ հաղթողը դուրս է գալու խմբային փուլ:

Միջազգային բուքմեյքերները հավատում են հայաստանյան թիմի վերջանական հաջողությանը: Այսպես, 1.4 գործակցով է գնահատվում մեր թիմի խմբային փուլ դուրս գալը եւ 1.6 գործակից է ստացել այն, որ այսօր մեր թիմը կհաղթի կամ ոչ-ոքի կխաղա:

Բուքմեյքերները՝ բուքմեյքեր, բայց վերջնական խոսքը ասում են ֆուտբոլիստները, իսկ «Արարատ-Արմենիան» բոլոր հնարավորություններն ունի այսօր կերտելու հայաստանյան ակումբային ֆուտբոլի նոր պատմությունը:

Top-News.am