Ռուսաստանի առաջնությունում մեկ-մեկ հետաքրքիր հանդիպումներ լինում են

Ալեքսանդր Գրիգորյանի «Տամբովը», որտեղ խաղում է նաեւ «Փյունիկից» տեղափոխված Կոնատեն, Օրենբուրգում 2:2 հաշվով ավարտեց հանդիպումը տեղի համանուն թիմի հետ:

Գրիգորյանի թիմը 68-րդ րոպեին հաղթում էր 2:0 հաշվով, բայց կրկին, ինչպես այս առաջնությունում արդեն ավանդույթ են դարձրել, իրար հետեւից երկու գոլ բաց թողեցին եւ կորցրին երեք միավորը:

Մոսկվայի «Դինամոն» հիմնովին վերանորոգված իր մարզադաշտում 2:0 հաշվով պարտվեց «Զենիթից»՝ մեկական գոլ բաց թողելով խաղի սկզբում եւ ամենավերջում:

«Կրասնոդարն» իր համար չափազանց կարեւոր խաղում 1:0 հաշվով հաղթեց «Ռուբինին»:

Այսօր Տուլայի «Արսենալը» կընդունի «Ուֆային», Մոսկվայի «Լոկոմոտիվը»՝ Վարազդատ Հարոյանի «Ուրալին» (ժամը 5,30), ԲԿՄԱ-ն կհյուրընկալի Ալեքսանդր Կարապետյանի «Սոչիին» (8,30), իսկ Գրոզնիի թիմը կհանդիպի «Սպարտակին»: Վաղը տուրը կեզրափակվի «Ռոստով»-«Կրիլիա Սովետով» խաղով:

 Այժմ մրցաշարի երեք առաջատարներն են «Զենիթը», ԲԿՄԱ-ն եւ «Ռոստովը» (հաշվի առնելով պակաս խաղերը), իսկ մրցաշարի անհաջողակը օրենբուրգցիներն են, որոնք հինգ խաղից ունեն ընդամենը մեկ միավոր:

Top-News.am