Բեյլն աներեւակայելի խաղացող է, ես նրան շատ եմ հավանում

Չեմպիոնների լիգայի գավաթակիր «Լիվերպուլի» գերմանացի գլխավոր մարզիչ Յուրգեն Կլոպը խոսել է Մադրիդի «Ռեալի» ուելսցի հարձակվող Գարեթ Բեյլի մասին։

«Բեյլն իսկապես աներեւակայելի խաղացող է, ես նրան շատ եմ հավանում։ Անցած տարի նա գրեթե միայնակ հաղթանակ բերեց «Ռեալին» Չեմպիոնների լիգայի եզրափակիչում։

Եթե նա լքի «Ռեալը», նրա տրանսֆերը շատ թանկ կլինի, նրա աշխատավարձը շատ բարձր է բոլոր հետեւանքներով։

Մենք պետք է թիմ ստեղծենք, իսկ թիմը առանձնին խաղացողների խումբ չէ։ Նրանք պետք է միասին աշխատեն, համապատասխան լինեն իրար։ Հանուն դրա ենք մենք աշխատում»,- Կլոպի խոսքը մեջբերում է Goal.com-ը։

2017-2018 թվականների Չեմպիոնների լիգայի եզրափակիչում «Ռեալը» 3։1 հաշվով հաղթեց «Լիվերպուլին»։ Բեյլն այդ խաղում դարձավ դուբլի հեղինակ։

Բաժանորդագրվեք Top-News.am-ին Telegram-ում