Երեւանում կկայանա Իսպանիա-Պորտուգալիա եզրափակիչը

Եվրոպայի մինչև 19 տարեկանների առաջնության եզրափակչում Իսպանիան կհանդիպի Պորտուգալիայի հավաքականին:

Վազգեն Սարգսյանի անվան «Հանրապետական» մարզադաշտում Իսպանիայի Մ19 հավաքականը կիսաեզրափակչում 11 մետրանոցներով հաղթեց Ֆրանսիայի իր հասակակիցներին:

Ամբողջ հանդիպումն անցավ լարված պայքարում: Երկու թիմերն էլ ունեին մի շարք գոլային պահեր, սակայն ամեն անգամ կամ թիմերին փրկում էր դարպասապահը, կամ հարվածները շեղ էին ընթանում:

Հիմնական ժամանակն ավարտվեց ոչ-ոքի՝ 0-0 հաշվով: Խաղը տեղափոխվեց լրացուցիչ ժամանակ: Այստեղ նույնպես գոլային պահերը շատ էին, սակայն գոլեր չգրանցվեցին:

Հաղթողը որոշվեց 11-մետրանոց հարվածաշարում: Այստեղ ավելի դիպուկ էին Իսպանիայի Մ19 հավաքականի ֆուտբոլիստները, որոնք հաղթեցին 4-3 հաշվով:

Այսպիսով, հուլիսի 27-ին Իսպանիայի մինչև 19 տարեկանների հավաքականը եզրափակչում կմրցի Պորտուգալիայի մինչև 19 տարեկանների ընտրանու հետ: Հանդիպումը կկայանա Վազգեն Սարգսյանի անվան «Հանրապետական» մարզադաշտում:

armsport.am