Արայիկ Հարությունյանը շարունակում է մեղադրվել հովանավորչական գործունեություն ծավալելու մեջ
2019թ-ի հուլիսի 11-ից 20-ը «Մեդիա պաշտպան» նախաձեռնությունը հետևել է առցանց մամուլում ՀՀ ԿԳՄՍ նախարար Արայիկ Հարությունյանի անձին ու գործունեությանն առնչվող նյութերին։ Մշտադիտարկվել է ներհայաստանյան 35 առաջատար լրատվական կայք։
Արայիկ Հարությունյան Arayik Harutyunyan
Նշված ժամանակահատվածում հայտարագրել է 188 հոդված, որոնցից 50-ը եղել է բացասական, 1-ը՝ դրական, 137-ը՝ չեզոք։
ՀՀ կրթության, գիտության, մշակույթի և սպորտի նախարար Արայիկ Հարությունյանի վարկանիշը լրատվական դաշտում չի բարձրանում, իսկ վերջերս թափ է հավաքում նոր հակամարտություն։ ԵՊՀ ուսանողների հետ տարվող աշխատանքների կենտրոնի ղեկավար Վահագն Վարագյանը պնդում է, որ Արայիկ Հարությունյանը տարատեսակ մեթոդներով ցանկացել է լուծարել կենտրոնը և նրան հաջողվել է դա իրականացնել գաղտագողի։ Վահագն Վարագյանը պնդում է, որ կենտրոնը ցրելու միակ պատճառն իրեն աշխատանքից հեռացնելն է եղել։ Լրատվականներում լուր է տարածվել, որ Արայիկ Հարությունյանը ցանկացել է այդ դիրքում տեսնել «Ռեստարտ» նախաձեռության անդամ Դավիթ Պետրոսյանին։
Ավագանու նախկին անդամ Մարինա Խաչատրյանը գրել է, որ Լուսի Քոչար ֆեյսբուքյան օգտատերը, որը հեղինակել էր «Բռնության ձայնը» արշավը, նամակներ է գրել 4 պաշտոնյաների, որոնցից մեկը Արայիկ Հարությունյանն է։ Մարինա Խաչատրյանը պնդում է, որ Արայիկ Հարությունյաննը ևս այլասերում է տարածում։ Լրատվականները վերհիշել են, որ Արայիկ Հարությունյանն իր աշխատասենյակում քննարկում էր ունեցել նույնասեռականի հետ և այդ ամենը կրկին բացասական է հիշատակվում։
Նախարարը շարունակում է մեղադրվել հովանավորչական գործունեություն ծավալելու մեջ։ Լրատվականները նշում են, որ ԵՊՀ հոգաբարձուների խորհրդի քարտուղար Արթուր Իսրայելյանը շուտով պրոռեկտոր կդառնա, հավելում են, որ նա ՀՀ ԿԳՄՍ նախարար Արայիկ Հարությունյանի ընկերն է ու նախարարի վստահելի մարդն է լինելու ԵՊՀ-ում։
Արայիկ Հարությունյանն այդպես էլ չի մեկնաբանում հովանավորչական գործունեություն ծավալելու մասին լուրերը, իսկ Վահագն Վարագյանի հետ կապված հարցը պարզաբանման անհրաժեշտություն ունի։ Եթե Դավիթ Պետրոսյանը նշանակվի միասնական կառույցի ղեկավար՝ կնշանակի Վահագն Վարագյանը ճիշտ էր։
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
Ռուսաստանը և Ուկրաինան իրականացրել են «205-ը 205-ի դիմաց» ձևաչափով ռազմագերիների փոխանակում
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Հայաստանի պատվիրակը չհաղթահարեց «Եվրատեսիլ 2026»-ի երկրորդ կիսաեզրափակիչը
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Բնապահպանության և ընդերքի տեսչական մարմինը խախտումներ է արձանագրել «Շաքի» ՓՀԷԿ-ում
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով