Հուսով ենք, որ Բեյլը շուտով կհեռանա. Զինեդին Զիդան

Մադրիդի «Ռեալի» գլխավոր մարզիչ Զինեդին Զիդանը հաստատել է, որ Գարեթ Բեյլը հեռանալու է ակումբից:

«Հուսով ենք, որ Բեյլը շուտով կհեռանա, այդպես լավ կլինի բոլորի համար: Մենք աշխատում ենք նրա՝ նոր ակումբ տեղափոխվելու վրա: Ես Գարեթի դեմ ոչ մի անձնական բան չունեմ, բայց գալիս է մի ժամանակ, երբ ինչ-որ բան պետք է փոխվի: Ես պետք է որոշումներ կայացնեմ, մենք պետք է փոխենք:

Տրանսֆերները մարզչի որոշումն են, ինչպես նաև խաղացողի, ով գիտի իրավիճակը: Իրավիճակը կփոխվի, ես չգիտեմ`24 կամ 48 ժամվա ընթացքում կփոխվի՞, թե՞ ոչ, բայց այն կփոխվի, և դա բոլորի համար լավ է»,- Զիդանի խոսքերը մեջբերում է Goal.com-ը:

Ուելսցի ֆուտբոլիստն այսօր չի մասնակցել International Champions Cup-ի՝ «Բավարիայի» հետ կայացած ընկերական խաղին, որտեղ «Ռեալը» պարտվել է 1:3 հաշվով:

Հիշեցնենք, որ Բեյլը մադրիդյան ակումբ է տեղափոխվել 2013 թվականին, 100 մլն եվրոյով՝ այդ պահին դառնալով աշխարհի ամենաթանկ ֆուտբոլիստը:

Բաժանորդագրվեք Top-News.am-ին Telegram-ում