Ինչքա՞ն սեքս է պետք երջանիկ ընտանեկան կյանքի համար
Երջանիկ ընտանեկան կյանքի համար ամուսնական զույգը պետք է շաբաթական երկու անգամ սեքսով զբաղվի, վստահ են կանադացի գիտնականները։ Սակայն նրանք հավելել են, որ դա ընտանեկան երջանկության գրավական չէ, հայտնում է «Միր 24» հեռուստաալիքը։
Մասնագետները 25 տարի հետազոտություն են իրականացրել ավելի քան 25 հազար զույգերի մասնակցությամբ։ Օնլայն հարցման մասնակիցների մեծ մասը բողոքում էր նրանից, որ սեքսն իրենց կյանքում բավարար չէ։ Գիտնականների խոսքով տարբեր զույգեր տարբեր պահանջներ ունեն, դրա համար էլ, ըստ նրանց, շաբաթական մեկ-երկու անգամ սեքսով զբաղվելը միանգամայն բավական է ներդաշնակ հարաբերությունների համար։
Հետազոտողները հավելել են, որ սեռական կյանքը շատ կարեւոր է հարաբերությունների համար, սակայն ամուր ընտանիքի համար կարեւոր են նաեւ այլ գործոններ։