Բրազիլիան Հարավային Ամերիկայում ուժեղագույնն է

Ամերիկայի գավաթի եզրափակիչում Բրազիլիան 3:1 հաշվով հաղթելով Պերուի ազգային թիմին դարձավ մրցաշարի հաղթող:

Հիշեցնենք, որ կիսաեզրափակիչում առաջնության կազմակերպիչ բրազիլացիները երկու անպատասխան գնդակ էին անցկացրել արգենտինացիների դարպասը:

Պերուի հետ խաղում 15-րդ րոպեին առաջին գոլը խփել է Էվերտոնը: 44-րդ րոպեին Գուերերոն 11 մետրոնոցից հավասարացրել է հաշիվը, բայց արդեն մեկ րոպե հետո Ժեզուսը վերականգնել է մեկ գոլի տարբերությունը:

Երրորդ գոլը բրազիլացիները խփել են խաղի ամենավերջում՝ 11 մետրոնոց հարվածով: Այն իրացրել է Ռիչառլիսոնը: Ի դեպ, 70-րդ րոպեից, երբ դաշտից հեռացվել է Ժեզուսը, բրազիլացիները խաղում էին տասը հոգով:

Top-News.am