Հայազգի ֆուտբոլիստը պայմանագիր է կնքել Լա Լիգայի ակումբի հետ

Ռուսաստանի պատանեկան հավաքականի ֆուտբոլիստ, հայազգի 17-ամյա կիսապաշտպան Էդգար Սևիկյանը պրոֆեսիոնալ պայմանագիր է կնքել «Լևանտեի» հետ, հաղորդում է Матч ТВ-ի կայքը:

Աղբյուրի հաղորդմամբ՝ Սևիկյանը 3 տարվա պայմանագիր է կնքել Վալենսիա քաղաքը ներկայացնող ակումբի հետ: Մինչ այդ, սկսած 2017թ. ֆուտբոլիստը խաղում էր ակումբի երիտասարդական թիմում:

Մինչև Իսպանիա մեկնելը Սևիկյանը հանդես է եկել «Լոկոմոտիվի» երիտասարդական թիմերում:

2018թ. աշնանը Championat.com-ին տված հարցազրույցում Սևիկյանը նշել է, որ հպարտ է իր հայկական արմատներով, ինչպես նաև հայտնել, որ հրավեր է ստացել նաև Հայաստանի պատանեկան հավաքականից, ուղղակի նրան ավելի վաղ հրավիրել են Ռուսաստանի պատանեկան հավաքական: