«Նոր Հայաստանի» Ազգային Ժողովի ճշմարտության պահը. պետական մտածողություն, թե հրահանգ
ԱԺ-ն պետք է հավանություն տա կամ մերժի Վահե Գրիգորյանի թեկնածությունը։
Խորհրդարանի բոլոր խմբակցություններում քիչ չեն պետական շահով առաջնորդվող, պատասխանատվության գիտակցումով պատգամավորներ, որոնք հասկանում են դատական իշխանության, հատկապես սահմանադրական դատարանի անկախության նշանակությունը եւ կարեւորությունը:
Վահե Գրիգարյանը խիստ քաղաքականացված է, ինչը, կարծում ենք անընդունելի է։ Վահե Գրիգորյանը ունի հստակ քաղաքական պատկանելիություն՝ ՀԱԿ եւ Լեւոն Տեր-Պետրոսյան։ Միանգամից նշեմ՝ որեւէ դատապարտելի բան չկա, երբ քաղաքացին ՀԱԿ-ից է կամ լեւոնական, բայց դա անընդունելի է ՍԴ թեկնածուի համար։ Վահե Գրիգորյանը բոլոր վիճահարույց իրավական հարցերի շուրջ հայտնել է իր քաղաքական տեսակետները, եւ հենց այստեղ է հիմնական հարցը։
Գործադիր իշխանության կողմից փորձ է արվում հանրությանը մանիպուլիացիայի ենթարկել, պնդելով, թե Վահե Գրիգորյանը ոչ թե իրենց, այլ հենց նախագահ Արմեն Սարգսյանի թեկնածուն է, ինչը, իհարկե, միայն դառը ծիծաղ է առաջացնում: Նախագահ Արմեն Սարգսյանի պահով ամեն ինչ պարզ է, նա առաջադրել է մեկին, որն իրեն ոչ լեգիտիմ եւ դատարկ ու դեմագոգ տեքստերի հեղինակ է անվանել։ Բայց մեր խնդիրը այս պահին նախագահը չէ։ Այստեղ կա շատ ավելի կարեւոր խնդիր՝ երկրի դատաիրավական դաշտը, սահմանադրականությունը։
Հիմա հերթը պատգամավորներինն է, որոնք պետք է առաջնորդվեն ոչ թե այսրոպեական, այլ պետության շահով: Իսկ քվեարկելուց առաջ մեկ անգամ եւս հիշեն «Իմքայլը» խմբակցության պատգամավոր ԱնդրանիկՔոչարյանի հայտարարությունը, թե ՎահեԳրիգորյանի տեսակը պետք է տնօրինի մեր դատաիրավական համակարգը:
Անդրանիկ Քոչարյանն ասել է այն, ինչ ծրագրել եւ փորձում են իրականացնել իշխանությունները, ինչը քարուքանդ կանի հայաստանյան դատական համակարգը: Մի կողմ թողնենք Վահե Գրիգորյանի անձը, մի կողմ թողնենք նրա մասին ՀՔԾ պետի ասածները, եւ շեշտը դնենք դատաիրավական համակարգի անկախության վրա: Վահե Գրիգորյանը լինելով խիստ քաղաքականացված, լինելով կոնկրետ քաղաքան ուժի ներկայացուցիչ, չի կարող լինել այն առանցքը, որի շուրջ պետք է իրականացվի դատաիրավական համակարգի բարեփոխումը:
«Բարգավաճ Հայաստանի» եւ «Լուսավոր Հայաստանի» համար սա ինչ-որ տեղ արժանապատվության քվեարկություն է։
Երբ «Իմ քայլը» խմբակցության պատգամավորը, Քաղաքացիական պայմանագիր կուսակցության վարչության անդամը բաց տեքստով հայտարարում է, թե իրենք ՍԴ դատավորի ընտրությունում կարեւորում են եւ առաջնային են համարում քաղաքական կոմպոնենտը, ապա հաստատ չի կարելի խաղալ պետության անվտանգության եւ դատական համակարգի հետ։
Գեղամ Նազարյան
Top-News.am
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ
Արհեստների միջազգային 5-րդ փառատոնն այս տարի կանցկացվի Մեղրիում
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...