Իմպոտենտ արտահայտություններ անելու փոխարեն հարցը լուծեք. Խաժակյանը՝ Հայկ Մարությանին
«Սանիթեքի» գարաժներում այսօր խնդիր է եղել, մարդիկ եկել փակել են, ասել են՝ հերիք եղավ, բոլ եղավ, խանգարում եք եւ այլն: Այս մասին, այսօր՝ հունիսի 17-ին, Երեւանի ավագանու արտահերթ նիստում հայտարարեց քաղաքապետ Հայկ Մարությանը:
Նա դիմեց «Լուիյս» խմբակցության ղեկավար Դավիթ Խաժակյանին՝ նշելով. «Քանի որ դուք պարոն Նիկոյանի հետ մոտիկ եք, նա է վարձակալությամբ այդ տարաքը տվել «Սանիթեք»-ին, խնդրում եմ փոխանցեք, որ քանի որ ինքը գումար է աշխատում եւ բնակիչները դրանից նեղվում են, այդտեղ նույնիսկ այդ գհողի վրա մեկ սպանություն է եղել, խնդրում եմ ասեք, որ ինքն իր կողմից կարգավորումներ անի, որովհետեւ այդպես շարունակվել հնարավոր չէ: օդում կախված լուրերի համաձայն, դուք մոտիկ եք պարոն Նիկոյանի հետ եւ ձեր հորդորը բավականին մեծ դեր կխաղա»:
Սրա արձագանքեց Դավիթ Խաժակյանը. «Սուրհանդակային ծառայություններով հավանաբար դուք եք զբաղվում, որ ինձ նման կոչ եք անում: Ես նման բաներով չեմ զբաղվում: Այստեղ անատամ եւ իմպոտենտ արտահայտություններ անելու փոխարեն, մեխն էլ է ձեր ձեռքը, չագուճն էլ: Տարածքը վա՞տն է, քաղաքապետն եք, ԱԺ մեծամասնությունը ձեր ներկայացուցիչներն են, լուծեք այդ հարցը: Այո, «Սանիթեքը» այդ տարածքից պետք է դուրս գա, լուծեք այդ հարցը»:
Ինչ վերաբերում է Երեւանի նախկին փոխքաղաքապետ Վահե Նիկոյանի հետ իր ունեցած հարաբերություններին, Խաժակյանը հիշեցրեց, որ Հայկ Մարությանը վահե Նիկոյանին առաջարկել էր Նիկոյանին մնալ որպես իր խորհրդական:
Հայկ Մարությանն էլ նշեց, որ իր բոլոր ասածներն ուժի մեջ են, եւ բոլոր գործերը հերթով գնում են դատախազություն, ԱԱԾ, քննչական այլ մարմիններ եւ ընթաց է տրվելու բոլոր գործերին:
«Ցավոք սրտի, այն ընկերությունը, որի համար դուք դոշ եք տալիս, ունակ չէ սպասարկել քաղաքը»,-ասաց քաղաքապետը:
Դավիթ Խաժակյանի պատասխանն առավել քան անսպասելի էր. «Ես բլոտ խաղալ չգիտեմ, բայց ընկերներն ասացին, որ քուանշից հետո նաեւ կապուտ էլ կա: Ես ձեզ կապուտ եմ հայտարարում, պարոն քաղաքապետ»:
Տեղից մեկն էլ արձագանքեց. «Թարս կապուտ էլ կա, այդպես էլ է լինում»:
Այդ պահին իրավիճակը լարվեց, տեղից սկսեցին շատերը գոռգոռալ: «Լույսից» Անի Խաչատրյանը բղավեց. «Դու արա ես, որ կարող ես ինձ հետ «արա»-ով խոսալ, եղա՞վ»:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Ռուսաստանը և Ուկրաինան իրականացրել են «205-ը 205-ի դիմաց» ձևաչափով ռազմագերիների փոխանակում
Հայաստանի պատվիրակը չհաղթահարեց «Եվրատեսիլ 2026»-ի երկրորդ կիսաեզրափակիչը
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Բնապահպանության և ընդերքի տեսչական մարմինը խախտումներ է արձանագրել «Շաքի» ՓՀԷԿ-ում