«Ադեկվադ» կուսակցության հիմնադիր Արթուր Դանիելյանն ազատ արձակվեց
Կենտրոնի ոստիկանության բաժնից քիչ առաջ ազատ արձակվեց «Ադեկվադ» կուսակցության հիմնադիր Արթուր Դանիելյանը: Այսօր՝ հունիսի 10-ին, վաղ առավոտյան «Ադեկվադ» կուսակցության գրասենյակից ոստիկանները նրան բերման էին ենթարկել ձեռնաշղթաներով: Դանիելյանը լրագրողներին ասաց, որ ոստիկանությունը երկակի ստանդարտներ է կիրառում. իրեն բերմանէ ենթարկում մի հայտարարության համար, որի մեջ նախկինում հանցակազմ չի տեսել։
«Խոսքը գնում է իմ քաղաքական այն հայտարարության մասին, որը ես հնչեցրել եմ նախորդ օրը ասուլիս տալու ժամանակ, բառացիորեն կրկնել եմ մի արտահայտություն, որը մի շաբաթ առաջ Բակո Սահակյանի հասցեին մի նիկոլապաշտ ատիվիստ կիրառել է: Խոսքը գնում է մի սպառնալիքի մասին, որի մեջ ոստիկանությունում որեւէ հանցակազմ չէին տեսել նախկինում»,- ասաց Արթուր Դանիելյանը։
Նրա խոսքով՝ այսօր վաղ առավոտյան, իրեն ուղարկել են մի հոդված, որտեղ իրենց խմբին մեղադրում էին հիբրիդային պատերազմ հրահրելու մեջ։
«Մեր նկարն էր օգտագործված՝ վրան ծաղկավոր բաբոչկա ֆոտոշոփ արած: Երբ այդ հոդվածը տեսա, հասկացա, որ մեզ բոլորիս շատ քաջ ծանոթ մի ծաղրածու այսօր հերթական շոուն էր կազմակերպելու: 2 ժամ հետո մեր գրասենյակ եկան ոստիկանները: Չհասկացա՝ ինչու էին ձեռնաշղթա հագցրել: Ես որեւէ դիմադրություն չէի ցուցաբերել, եւ չէի էլ պլանավորում»,- հայտնեց Դանիելյանը, կարդաց իր հրավիրած ասուլիսի ժամանակ արած հայտարարությունը, եւ համեմատեց ապրիլի 25-ին Ազատության հրապարակում ՀՀ վարչապետ Նիկոլ Փաշինյանի կողմնակիցների արած հայտարարության հետ։
«Ապրիլի 25-ին Ջիվան Աբրահամյանը ասել էր հետեւյալը՝ էսօր, որ Բակոենք եկել են ստեղ, սա նախազգուշացում է ձեզ, ես առաջինը կլինեմ, որ կոչ կանեմ գնանք ու գլուխները քարով ցխենք: Հունիսի 9-ին ես ասել եմ հետեւյալը՝ շուտով մենք կարող է՝ կոչ անենք, որ Նիկոլ Փաշինյանի գլուխը պետք է քարով ցխեն: Ես այդ արտահայտությունն արել էի միայն նրա համար, որ իմացել եմ, թե ոստիկանությունը այդ արտահայտության մեջ որեւէ հանցակազմ չի տեսնում»,- ասաց Դանիելյանը։
Դանիելյանն էլ նշեց՝ թող իրավաբանները որոշեն՝ իր հայտարարության մեջ սպառնալիք կա՞, թե՞ ոչ. «Բանն այն է, որ ես այդ արտահայտությունը կիրառել եմ նրա համար, որ միայն նախապես իմացել եմ, որ ոստիկանությունը այդ հայտարարության մեջ որևէ հանցակազմ չի տեսնում»:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Ռուսաստանը և Ուկրաինան իրականացրել են «205-ը 205-ի դիմաց» ձևաչափով ռազմագերիների փոխանակում
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Բնապահպանության և ընդերքի տեսչական մարմինը խախտումներ է արձանագրել «Շաքի» ՓՀԷԿ-ում