Altibox Norway Chess. Լևոն Արոնյանը մեկնարկել է հաղթանակով

Armsport-ը գրում է.

Նորվեգիայի Ստավանգեր քաղաքում մեկնարկել է Norway Chess սուպերմրցաշարը:

Առաջին տուրում հայ գրոսմայստեր Լևոն Արոնյանը սպիտակներով խաղացել է Ռուսաստանի ներկայացուցիչ Ալեքսանդր Գրիշչուկի հետ: Ըստ մրցաշարի կանոնների՝ յուրաքանչյուր պարտիայում պետք է հաղթող որոշվի: Արոնյանն ու Գրիշչուկը հիմնական պարտիան ավարտեցին ոչ-ոքի, և հաղթողը որոշվեց արմագեդոնում:

Այստեղ ավելի ուժեղ էր մեր շախմատիստը:

Այս հաղթանակցի հետո Արոնյանը վաստակեց 1.5 միավոր: Հայկական շախմատի առաջատարը կիսում է 1-4-րդ հորիզոնականները Շաքրիյար Մամեդիարովի, Դին Լիրենի և Յանգի Յուի հետ:

Հաջորդ տուրում Արոնյանը սպիտակներով կմրցի աշխարհի չեմպիոն Մագնուս Կարլսենի հետ: