Հոլանդիայում մրցավարն արձանագրել է իր իսկ խփած գոլը (տեսանյութ)

Armsport-ը գրում է.

Հոլանդիայի չորրորդ դիվիզիոնի առաջնության վերջին տուրի խաղում հետաքրքիր միջադեպ է տեղի ունեցել: «Հարկեմասե Բոյզ»-«Հոեկ» խաղի գլխավոր մրցավարն իր մասնակցությունն է ունեցել գոլերից մեկին:

Հյուրերի գրոհներից մեկի ժամանակ «Հոեկի» ֆուտբոլիստի հարվածից հետո գնդակը հասել է դարպասային գծի մոտ, ինչից հետո «Հարկեմասե Բոյզի» պաշտպանը փորձել է հեռացնել այն, բայց մրցավարից անդրադարձից հետո այն հայտնվել է դարպասում:

Մրցավարն առանց երկընտրանքի արձանագրել է գոլը, բայց խաղն ավարտվել է «Հարկեմասե Բոյզի»՝ 4:2 հաշվով հաղթանակով:

«Հարկեմասե Բոյզը» 57 միավոր է վաստակել և առաջնությունն ավարտել մրցաշարային աղյուսակի 6-րդ հորիզոնականում: «Հոեկը» 64 միավորով 4-րդն է:

Այսպիսով, «Հոեկը» կմասնակցի փլեյ-օֆֆին, որտեղ 2-4-րդ տեղերը զբաղեցրած թիմերը խաղարկում են երրորդ դիվիզիոնի ուղեգիրը: