«Սա ինձ համար բարդ որոշում էր». Մխիթարյանը մեկնաբանել է ԵԼ եզրափակչի համար Բաքու չմեկնելու որոշումը
«Արսենալ» ֆուտբոլային ակումբի կիսապաշտպան Հենրիխ Մխիթարյանը ֆեյսբուքյան գրառում է արել Եվրոպայի լիգայի՝ Բաքվում կայանալիք եզրափակիչ հանդիպմանը չմեկնելու վերաբերյալ:
Մարզիկը մասնավորապես գրել է.«Հաշվի առնելով բոլոր ընթացիկ տարբերակները՝ մենք ինձ համար բարդ որոշում ենք կայացրել թիմի հետ Եվրոպայի լիգայի եզրափակչին չմեկնելու վերաբերյալ: Սա այնպիսի խաղ է, որը մեզ՝ խաղացողներիս, համար շատ հաճախ չի պատահում և պետք է խոստովանեմ, որ շատ եմ ցավում այն բաց թողնելու համար: Ես կաջակցեմ իր թիմակիցներին:Եկեք այն տուն բերենք»,-գրել է ֆուտբոլիստը:
Ինչպես ավելի վաղ հայտնել էր tert.am-ը, «Արսենալ» ֆուտբոլային ակումբը հանդես է եկել պաշտոնական հայտարարությամբ, որը վերաբերում է Եվրոպայի լիգայի՝ Բաքվում կայանալիք եզրափակիչ հանդիպմանը:
«Մենք չափազանց հիասթափված ենք, որ Հենրիխ Մխիթարյանը թիմի հետ չի մեկնի Եվրոպայի լիգայի՝ «Չելսի»-ի դեմ հանդիպմանը: Մենք մանրակրկիտ ուսումնասիրել ենք բոլոր տարբերակները, որպեսզի Միկին թիմի կազմում լիներ, սակայն այդ հարցը Միկիի և նրա ընտանիքի հետ քննարկելուց հետո հանգել ենք կոլեկտիվ համաձայնության, ըստ որի՝ նա թիմի հետ չի մեկնի»,-ասվում է հայտարարությունում:
Նշվում է նաև, որ Մխիթարյանը «Արսենալ»-ի՝ դեպի եզրափակիչ տանող ճանապարհին առանցքային խաղացող էր, ուստի՝ դա իրենց համար մեծ կորուստ է:
«Մենք հիասթափված ենք, որ նման խաղացողը նման հանգամանքներում բաց կթողնի եվրագավաթի կարևոր խաղը: Նման բան ֆուտբոլիստի կարիերայում հազվադեպ է պատահում»,-նշված է ակումբի հայտարարությունում:
Հայտնի է նաև, որ «Արսենալ»-ը այս հարցով դիմել է ՈւԵՖԱ-ին:
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Առողջապահության նախարարությունը՝ Գագիկ Խաչատրյանի առողջական վիճակի մասին
Սիրո անունը Հայաստան է
Հայաստանի և Թուրքիայի մեդիա կարգավորողները կակտիվացնեն ոլորտային երկխոսությունը
Ընթանում է Գարեգին Բ-ի և 6 եպիսկոպոսի գործով դատական նիստը
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Վաղարշապատի համայնքային ոստիկանները ձերբակալել են 1 տարի առաջ ծանր մարմնական վնասվածք պատճառած անձին
Ռուսաստանը դրոնների հավաքման գործում ներգրավել է մինչև 25 հազար հյուսիսկորեացիների
ՀՀ ԱԱԾ սահմանապահ զորքերում տեղի ունեցավ նորակոչիկ զինծառայողների երդման արարողություն