«Ինձ մոտ ոչինչ չի ստացվի» մոտեցումը մեր երկրում փախեփախի մթնոլորտ է ձեւավորում. Փաշինյան
ՀՀ-ում չպետք է լինեն այնպիսի երեւույթներ, սկսած կրթական համակարգից, վերացրած քաղաքականով, որոնք անընդհատ մարդուն ներշնչեն, որ ինքն ինչ-որ բան չի կարող, որ իր մոտ չի ստացվի: Այս մասին, այսօր՝ մայիսի 21-ին, ԳԱԱ-ում «Տնտեսական հեղափոխության հիմնարար ուղենիշները Հայաստանի Հանրապետությունում» գիտաժողովի ժամանակ հայտարարեց ՀՀ վարչապետ Նիկոլ Փաշինյանը՝ հավելելով, որ դա Հայաստանում թիվ մեկ թշնամին է:
«Սա այն ֆենոմեն է, որ իր հետեւից բերում է աղքատություն ու հուսահատություն: Դա բերում է նրան, որ մեր երկրում փախեփախի մթնոլորտն է ձեւավորվում, որ մեկ է էստեղ հեռանկար չկա, եկեք մի բան փախցնենք, տանենք յոլա գնանք»,-ասաց նա:
Վարչապետը կարեւորեց ընկերությունների բաժնետոմսերի բաց վաճառքի թեման՝ նշելով, որ իրենք կառավարությունում մտածում են որեւէ ընկերություն առողջացնել եւ բաժնետոմսերը հանել ազատ վաճառքի՝ ոլորտը զարգացնելու նպատակով:
Փաշինյանի խոսքով, դա հնարավորություն կտա ընկերություններին ներդրումների համար միջոցներ ձեռք բերել բաժնետոմսերի վաճառքի ճանապարհով, քաղաքացիներն էլ բաժնետոմսերում ներդրումներ անելու հնարավորություն են ստանում. «Երբ մենք ասում ենք, որ բանկերում ավանդներն աճում է, արագ հակադարձ քննադատություն է հնչում, թե քաղաքացիները ներդնելու ուրիշ տեղ չունեն: Իսկապես սա մեծ խնդիր է: Աշխարհում ներդրումների լավագույն ձեւերից մեկը բաժնետոմսերում ներդրումներն են՝ IPO-ների միջոցով»:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Մասիսում հրդեհի հետևանքով կան զnհեր ու վիրավորներ
ԱՄՆ-ն համաձայնել է սառեցնել Իրանի դեմ պատժամիջոցները.Tasnim
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար