Մենք կարող ենք մեկ օրում մտնել ու մաքրել գետնանցումները. Հայկ Մարությանը դժգոհեց քաղաքացիներից
Երեւանի բոլոր գետնանցումները լուսավորելուց շաբաթներ անց լուսավորման համակարգը կամ վնասված էր, կամ գողացված։ Այս մասին այսօր՝ մայիսի 10–ին լրագրողների հետ զրույցում հայտարարեց Երեւանի քաղաքապետ Հայկ Մարությանը՝ անդրադառնալով երեւանի կենտրոնական փողոցներում գտնվող գետնանցումների անմիխիթար վիճակին։
«Իմ առաջին հանձնարարականներից մեկը վերաբերվում էր Երեւանի բոլոր գետնանցումները լուսավորելուն։ Ես գնացել, ինքս ստուգել եմ, մենք բոլոր անցումները լուսավորել ենք, սակայն մի քանի շաբաթ անց լուսավորման համակարգը կամ կոտրվել է կամ գողացվել»,–ասաց նա՝ նշելով, որ քաղաքապետարանն ու ոստիկանությունն ի զորու չեն բոլոր գետնանցումներում հերթապահություն իրականացնել եւ հետեւել, որ բնակիչները չկոտրեն կամ չգողանան այդ լույսերը։
Անդրադառնալով Մաշտոցի պողոտայի երկու մեծ գետնացումների վիճակին, քաղաքապետը նշեց, որ Փակ շուկայի մոտ գտնվող գետնանցումը ժամանակին վաճառվել է եւ սեփականատեր ունի.
«Սեփականատերն արդեն իսկ խախտում է պայմանագիրը եւ մենք պարտադրել ենք, որպեսզի նա սկսի բարեկարգման աշխատանքները, եւ մենք ամեն ինչ անում ենք, որ իրենք մաքսիմալ արագ աշխատեն, այլապես կենթարկվեն տույժերի եւ տուգանքների»,–հայտաարեց Մարությանը։
Նա նշեց, որ քաղաքապետարանում կա հատուկ հանձնաժողով, որը գույքագրում է բոլոր գետնանցումները.
«Այստեղ շատ նուրբ ենք գործում. մենք կարող ենք մեկ օրում մտնել ու մաքրել, սակայն այնտեղ մարդիկ կան, ընտանիքներ, որոնք գործունեություն են ծավալում, այսինք մի կողմից հանրությունը պահանջում է՝ ասում է մաքրեք գետնանցումները, իսկ մյուս մասն ասում է՝ ձեռք մի տվեք, դրանք աշխատատեղեր են»,–ասաց նա ՝նշելով, որ գետնանցումներում խոշոր վերանորոգումներ է նախատեսվում։
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Մասիսում հրդեհի հետևանքով կան զnհեր ու վիրավորներ
ԱՄՆ-ն համաձայնել է սառեցնել Իրանի դեմ պատժամիջոցները.Tasnim
ՇՎՏՄ-ն հորդորում է նշված լցակայանների ցանցից չօգտվել