Անարդար է «Բարսելոնայի» հաղթանակները կապել միայն Մեսսիի հետ. Ռոնալդո

Armsport-ը գրում է.

Բրազիլիայի հավաքականի նախկին ֆուտբոլիստ Ռոնալդոն կարծում է, որ լրատվամիջոցները և երկրպագուները «Բարսելոնայի» հաջողությունները չպետք է կապեն միայն կատալոնական թիմի առաջատար Լիոնել Մեսսիի հետ։

«Անարդար է պարտությունների համար մեղավորների մատնանշել։ Օրերս կարդում էի, որ «Բարսելոնան» հաղթանակներ է տոնում Լեոյի շնորհիվ։ Դա մյուս ֆուտբոլիստների և մարզչական անձնակազմի նկատմամբ մեծ անարդարություն է։ «Բարսելոնան» հիանալի ֆուտբոլիստներ և մարզիչներ ունի։ Պետք է զգույշ լինել որևէ մեկին գովաբանելիս և քննադատելիս»,- Ռոնալդոյի խոսքը մեջբերել է Goal.com-ը։

Հիշեցնենք, որ «Բարսելոնան» դուրս է մնացել Չեմպիոնների լիգայի կիսաեզրափակիչ փուլից ՝ պարտվելով «Լիվերպուլին»։ Առաջին խաղում կատալոնացիները հաղթել էին 3-0 հաշվով, սակայն պատասխան խաղում պարտվեցին 0-4 հաշվով։