Արդյոք պետք է հրապարակվի կառավարության մեքենաների թիվը. Էդուարդ Աղաջանյան

Ես չգիտեմ՝ կառավարության ավտոմեքենաների թիվը արդյոք պետք է հրապարակված լինի թե չէ։ Այս մասին այսօր՝ ապրիլի 27-ին, լրագրողների հետ զրույցում ասաց վարչապետի աշխատակազմի ղեկավար Էդուարդ Աղաջանյանը՝ պատասխանելով հարցին, թե ինչու կառավարության կայքում հասանելի չէ ծառայողական մեքենաների մասին տեղեկությունը։

Դիտարկմանը, թե նախորդ կառավարությունների օրոք այդ թիվը հասանելի է եղել, նա ասաց, որ նման տեղեկություն չունի. «Եթե նման խնդիր կա, անպայման կանդրադառնանք, օր առաջ կհրապարկենք, հատկապես, որ կառավարության մեքենաների թիվը կրճատվել է»։

Վարչապետի աշխատակազմի ղեկավարը հայտնեց, որ այժմ կառավարության հաշբվեկշռում 8-10 մեքենա է մնացել. «Մոտ 2 շաբաթ առաջ կրճատված մեքենաները հանձնվել են Պետգույքի կառավարման կոմիտեին, նախկինում գործող 57-ից ծառայողական ավտոմեքենենարից այս պահին 8–10–ն է մնացել։ Այսինքն 47–ով կրճատվել է»։