Իրական եւ ֆեյք Նիկոլ Փաշինյանը. Հայաստանում ինչ-որ բան այն չէ
«168 ժամ» թերթը գրում է.
«Հայաստանում ինչ-որ բան ակնհայտորեն այն չէ։ Վարչապետն աշխատելու փոխարեն՝ բանաստեղծություններ է գրում, բանաստեղծություններից բացի, գրում է նաեւ ցուցումներ՝ սեփական ազգականներից մեկի դեմ քրեական գործ հարուցելու համար։ Նպատակն ակնհայտ է՝ հերթական «կադրն» ապահովել իր կողմից բեմադրվող գլոբալ շոուի համար։
Հայաստանն այսպիսով ամեն օր ապրում է շոուի մի տեսարանով։ Ու մինչ հանրությունը վայելում է առանց հացի այդ տեսարանները, երկրում ամեն օր արտառոց մի իրադարձություն է տեղի ունենում։
Երեկ հայտնի դարձավ Հայաստանի խոշորագույն ընկերություններից մեկի՝ «Սպայկայի» դեմ Պետեկամուտների կոմիտեի կողմից 7 միլիարդ դրամի հարկեր չվճարելու հատկանիշներով քրեական գործ հարուցելու մասին։ «Սպայկայի» ղեկավարությունը չի ընդունում առաջադրված մեղադրանքը՝ հայտարարելով, որ տեղի ունեցողը ՊԵԿ-ի կողմից ընկերության նկատմամբ իրականացվող հետապնդում է։
«Քննիչն ասաց՝ կամ ստորագրում ես, կամ կալանավորվում»,- լրագրողների հետ զրույցում պատմել է «Սպայկայի» տնօրենը։
Իսկ «Սպայկան» ընկերություն է, որի «վրա նստած» է Հայաստանի գրեթե ողջ գյուղատնտեսությունը։ Եվ ահա երեկ ընկերության տնօրենը հայտարարեց, որ հետապնդումը շարունակվելու դեպքում «Սպայկան» կդադարեցնի մթերումները գյուղացիներից։ Իսկ դա կարող է կոլապսի հասցնել գյուղատնտեսության ոլորտը։
Բայց մինչ «Սպայկայի» տնօրենը երեկ խոսում էր իր ընկերության դեմ սարքված մեղադրանքի մասին, Հայաստանի Ազգային ժողովում տեղի էր ունենում հիրավի դարակազմիկ իրադարձություն. ԱԺ բարձր ամբիոնից, դահլիճից հնչող ծափահարությունների ներքո, ելույթ էր ունենում կնոջ անուն-ազգանունով արական սեռի մի նախկին ներկայացուցիչ՝ տրանսգենդեր, ելույթ էր ունենում ոչ թե իր, այլ տրանսգենդերների հանրույթի անունից։
Ու մինչ հասարակությունը կհասցներ մարսել այս աշխարհացունց իրադարձությունը, «ավետիսով» հանդես եկավ ԱԱԾ տնօրեն Արթուր Վանեցյանը՝ հայտարարելով, որ արդեն ի կատար են ածել ֆեյսբուքյան կեղծ օգտատերերի՝ ֆեյքերի դեմ պայքարելու Նիկոլ Փաշինյանի հանձնարարականը եւ ձերբակալել են «Դուխով Հայաստան, բաց հասարակություն» անունով հանդես եկող կեղծ օգտատիրոջը։
Այս ողջ ընթացքում վարչապետ Նիկոլ Փաշինյանը գտնվում էր Գյումրիում՝ իբրեւ թե ամեն ինչից հեռու ու ամեն ինչից անտեղյակ։ Նա Գյումրիի փողոցներում նկարահանվում էր բեմադրության հերթական կադրերում ու երեւի մտածում էր հաջորդ բանաստեղծության մասին։
Հայաստանում ակնհայտորեն ինչ-որ բան այն չէ»:
Առավել մանրամասն՝ թերթի այսօրվա համարում
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Մասիսում հրդեհի հետևանքով կան զnհեր ու վիրավորներ
ԱՄՆ-ն համաձայնել է սառեցնել Իրանի դեմ պատժամիջոցները.Tasnim
Դեսպան Մկրտչյանը ԱՄՆ Կոնգրեսում մասնակցել է ընտանիքների բարօրությանը նվիրված միջոցառմանը