Բանանի գնի փոփոխությունը սեզոնային է, Հայաստանում այն ամենաէժանը կլինի օգոստոսին
«Իրազեկ և պաշտպանված սպառող» ՀԿ նախագահ, Հանրային խորհրդի անդամ Բաբկեն Պիպոյանը Tert.am-ի հետ զրույցում ասաց, որ բանանի թանկացումը կապված է սեզոնայնության հետ:
«Կամայական միրգ, բանջարեղեն ունի իր սեզոնայնությունը, քանի որ մեզ մոտ բանան չի աճում, մենք բանանի սեզոնայնությունը լավ չգիտենք»,-ասաց նա:
Նա նշեց, որ վերջին շրջանում մի քանի զուգադիպություն է եղել բանանի գնի փոփոխության և քաղաքական հայտարարությունների հետ միջև:
«Կարեն Կարապետյանի ժամանակահատվածում եղավ քաղաքական հայտարարություն, որ այլևս մենաշնորհներ չկան և այդ հայտարարությունից հետո զուգադիպեց Հայաստանում բանանի սեզոնային խմբաքանակի ներկրումը` ավելի մատչելի գնով: Հետո, երբ սեզոնի վերջն էր, բանանը սկսեց կամաց-կամաց թանկանալ, դրան հետևեց իշխանափոխությունը և նորից զուգադիպեց բանանի էժանացման սեզոնի հետ, և հիմա եկավ սեզոնը, որ նորից պետք է թանկանա»,-ասաց նա:
Այսպիսով, ըստ նրա, հեղափոխությունից հետո բանանի գնի կտրուկ նվազումը զուգադիպություն էր: «Դա թող ոչ մեկ իրեն չվերագրի, քանի որ, եթե մեկը վերագրում է իրեն մի բան, որն իրենը չէ, իսկ հետո բնական մի վատ բան է տեղի ունենում, ստիպված է լինում քաշել դրա բեռը»,-ասաց նա:
Բաբկեն Պիպոյանը հնարավոր համարեց, որ մի խմբաքանակ էլ մի փոքր թանկանա, իսկ հետո նորից սկսի իջնել և ամռանը հասնի ամենամատչելի գնին: Նա նշեց, որ դա կախված է նաև նրանից, թե որ երկրից է ներկրվում բանանը։ Բաբկեն Պիպոյանն ավելացրեց, որ Հայաստանում բանանն ամենաէժանը կլինի օգոստոսին:
Ինչ վերաբերում է նրան, որ բանանի գինը կապված էր մենաշնորհի հետ, ՀԿ նախագահն ասաց, որ ինքը, ամեն դեպքում, մենաշնորհի մասին տեղեկություն այս ոլորտում չունի:
«Տնտեսությանը շնչելու համար պետք է չնչին գնաճ, սակայն դա այնքան պետք է լինի, որ սպառողի գրպանին չհարվածի: Եթե մեր երկրում գնաճը զուգակցվի եկամուտների աճով, մարդիկ կցանկանան այդ գնաճը»,- ասաց նա և նշեց, որ մարդիկ գիտեն, որ գնաճը եկամուտների վրա չի ազդում, դրա համար միայն բացասական են գնահատում:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
Մասիսում հրդեհի հետևանքով կան զnհեր ու վիրավորներ
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
ԱՄՆ-ն համաձայնել է սառեցնել Իրանի դեմ պատժամիջոցները.Tasnim