Մենք ոչ թե մանսարդները քանդելու, այլ կառուցելու ենք. Հայկ Մարության
Մենք նախատեսում են ոչ թե քանդել մանսարդները, այլ հակառակը՝ մենք մանսարդների կառուցում ենք նախաձեռնում։ Այս մասին այսօր՝ մարտի 18-ին, լրագրողների հետ զրույցում ասաց Երեւանի քաղաքապետ Հայկ Մարությանը՝ խոսելով մամուլում շրջանառվող լուրերի մասին, թե առաջիկայում սկսվելու են քանդվել երեւանյան շենքերի մանսարդները։
«Դրա լրիվ հակառակն է լինելու, այսինքն՝ մենք մանսարդների կառուցում ենք նախատեսում: Բայց ուղղակի այս մանսարդների կառուցումը պետք է լինի կարգավորված, համակարգված, գլխավոր ճարատարապետի եւ մեր ճարտարապետական բլոկի կողմից թույլատրված: Եթե տեսել եք, Փարիզի շենքերի հինգերորդ ճակատը՝ տանիքի հարցը հենց այսպես է լուծվել: Դրանով գեղեցկանում է քաղաքը, շենքերը, եւ մարդիկ էլ նոր բնակարաններ են ունենում: Կրկնում եմ՝ մենք սկսում ենք մանսարդների կառուցման աշխատանք»,-ասաց նա:
Մարությանը, սակայն, շեշտեց՝ մանսարդների կառուցումը լինելու է միայն բնակիչների համաձայնությամբ. «Չկա քանդման գաղափար, կա կառուցման գաղափար, բայց դա պետք է լինի բնակիչների համաձայնությամբ»,–հավելեց նա։
Ավելի վաղ Երեւանի քաղաքապետի մամուլի քարտուղար Հակոբ Կարապետյանը նշել էր, որ քաղաքապետարանը չի քննարկում քաղաքի մանսարդերը քանդելու ծրագիր. «Խոսքը տարբեր տարիներին տարերայնորեն կառուցված մանսարդները ընդհանուր տեսքի բերելու գործընթացի մասին է, որը նպատակ ունի գեղարվեստական լուծումներով դրանք հնարավորինս ներդաշնակեցնելու փողոցների ընդհանուր ճարտարապետական լուծումներին»:
Նույն խնդրին անդրադարձել է նաեւ Կենտրոն վարչական շրջանի ղեկավար Վիկտոր Մնացականյանը՝ նշելով, որ հնարավորություն են տալու Երեւանի բնակիչներին որոշ թեք նաեւ հարթ տանիքներով շենքերի ձեղնահարկերի (մանսարդ) հնարավորություններն օգտագործել, բայց որ միանման լինի, եւ շենքին համապատասխանի, եւ քաղաքի ճարտարապետության գեղագիտական տեսքը չփչացնի:
Նրա խոսքով, այստեղ քաղաքապետարանը շահում է, որ տանիքների վերանորոգման համար այլեւս միլիոնավոր դրամները չեն ծախսի. «Մենք հիմա ուզում ենք խրախուսել, որ նոր շինարարություն զարգանա, Երեւանի բնակիչները նոր քառակուսի մետրեր ունենան քաղաքի կենտրոնում, բայց առանց քանդելու, առանց կառուցելու նոր շենքեր: Այլ ընդամենը շենքերի վրա հազարավոր նոր քառակուսիներ կավելանան»:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
Մասիսում հրդեհի հետևանքով կան զnհեր ու վիրավորներ
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Ուշադրությո՛ւն՝ մտնում է Իտալիայի չեմպիոնը