Հասունացող հայ-ռուսական սկանդալ
Արդեն մի քանի օր է, ինչ ռուսական առաջատար լրատվամիջոցներում բուռն քննարկման թեմա է դարձել Երևանում անցկացված սեմինար-դասընթացը, որը նվիրված էր հեղափոխական տեխնոլոգիաներին և որին մասնակցում էր նաև պատկառելի պատվիրակություն Ռուսաստանից:
Russia Today-ի լրագրողների կողմից արված բացահայտումը, ըստ քաղաքական փորձագետների, վկայում է այն մասին, որ Ռուսաստանի ռազմավարական դաշնակից հանդիսացող Հայաստանում փաստացի պատրաստում են այն մարդկանց, որոնք ապագայում պետք է նպաստեն Պուտինին իշխանությունից հեռացնելուն:
Ռուսական մեդիաների, քաղաքական և հասարակական շրջանակների քննարկումներում կարմիր թելով անցնում է այն փաստը, որ Ռուսաստանի նախագահին հանդիպումներին լայն ժպտացող Նիկոլ Փաշինյանի ղեկավարության օրոք Հայաստանը վերածվում է մարզումների ճամբարի հակապուտինյան ակտիվիստների համար: Ավելին, ըստ Russia Today-ի՝ նման սեմինարներին դասավանդել և զանգվածային անկարգությունների իրենց փորձն են ներկայացրել հենց Նիկոլ Փաշինյանի թիմակիցները, որոնցից ոմանք այժմ նաև ԱԺ պատգամավորներ են:
Եթե այն, ինչ կատարվում է ռուսական մեդիա դաշտում, արձագանքի միայն տեսանելի հատվածն է, ապա կարելի է ենթադրել, թե ինչ է կատարվում պաշտոնական և ոչ հրապարակային տիրույթում: Իհարկե, եթե ՀՀ ԱԱԾ-ն այդքան սևեռված չլիներ այսօր «հակակոռուպցիոն» գործերի կամ քաղաքական ընդդիմախոսներին չեզոքացնելու վրա, գուցե ավելի ուշադիր լինեին և ժամանակին տեղեկատվություն փոխանակեին ծառայողական խողովակներով Ռուսաստանի իրենց գործընկերների հետ, ապա հասունացող այս սկանդալից հնարավոր կլիներ խուսափել:
Ըստ որոշ վերլուծաբանների՝ այս սկանդալը միայն ամրապնդում է Ռուսաստանում առկա այն կարծիքը, որ Հայաստանում տեղի ունեցած իշխանափոխությունն իրականում նոր սերնդի գունավոր հեղափոխություն էր, իսկ Նիկոլ Փաշինյանը՝ Ռուսաստանի ազդեցության գոտի ներդրված «տրոյական ձի»:
Հիշեցնենք, որ օրեր առաջ էլ միլիարդատեր, գործարար Ջորջ Սորոսը Թվիթերի իր էջում գրառում էր արել Հայաստանի մասին։
«Հայաստանի քաղաքացիական հասարակությանն ուժեղ աջակցությունը կենսական է երկրի ժողովրդավարության ներկայի և ապագայի համար»,- գրել էր նա՝ միաժամանակ տեղադրելով նաև իր «Բաց հասարակության հիմնադրամներ» կազմակերպության կայքում հրապարակված մի հոդված, որը վերնագրված էր՝ «Ինչպես կարող է Միացյալ Նահանգներն աջակցել Հայաստանի նորաթուխ ժողովրդավարությանը»։ Այդպիսով Սորոսն անձամբ հաստատեց քաղաքացիական հասարակության միջոցով Հայաստանում տեղի ունեցած հեղափոխության մեջ իր գործուն մասնակցությունը, այն դեպքում, երբ ՀՀ նոր իշխանությունները և անձամբ վարչապետ Ն. Փաշինյանը հերքել են արտաքին ուժերի դերակատարումը։
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
Մասիսում հրդեհի հետևանքով կան զnհեր ու վիրավորներ
ԱՄՆ-ն համաձայնել է սառեցնել Իրանի դեմ պատժամիջոցները.Tasnim