Նիկոլ Փաշինյանի երջանկության բանաձեւը. Նոր ռեկորդ
«168 ժամ» թերթը գրում է.
«Ըստ ամենայնի, իշխանությունները լավ չեն հասկացել իրենց առաքելությունն ու գործառույթների շրջանակը։ Իշխանության ներկայացուցիչների հայտարարություններից տպավորություն է ստեղծվում, որ նրանք ոչ ադեկվատության խնդիր ունեն։ Ոչ ադեկվատությունն այդ արտահայտվում է՝ ինչպես նրանց՝ իրենց պաշտոններին ոչ հարիր վարքագծում, այնպես էլ՝ հայտարարություններում։ Հատկապես հասարակությանն ուղղված հայտարարություններում։
Երեք օր շարունակ վարչապետ Նիկոլ Փաշինյանը քաղաքացիներին հորդորում էր հեղափոխել իրենց մտածողությունը, հաղթահարել աղքատի հոգեբանությունը։ Երեկ էլ Երեւանի քաղաքապետ Հայկ Մարությանն է մայրաքաղաքի տրանսպորտային ծանրաբեռնվածությունը թեթեւացնելու համար քաղաքացիներին հորդորել… ոտքով շատ քայլել։ «Կարեւոր է, որ ամեն մեկն իր հերթին՝ հնարավորինս քաղաքն ազատի մեքենայից: Պետք է խնդրեմ մեր քաղաքացիներին, որ, եթե ինչ-որ տեղ են գնում, որտեղ հնարավոր է մի քիչ ոտքով քայլել, ապա ոտքով քայլեն»,- հայտարարել է Հայկ Մարությանը:
Հանճարեղ է։ Ո՞ւմ մտքով կարող էր անցնել, որ քաղաքի տրանսպորտային խնդիրները լուծելու համար կարելի է ոտքով քայլել։ Արժե ընդհանրապես արգելել տրանսպորտային միջոցների շարժը, այդ դեպքում տրանսպորտային խնդիրը կլուծվի 100 տոկոսով։ Նույն տրամաբանությամբ կարելի է ամբողջությամբ հաղթահարել նաեւ աղքատության խնդիրը։
Դրա համար ընդամենն անհրաժեշտ է, որ մարդիկ չսնվեն։ Չսնվել եւ ոտքով քայլել։ Ահա երջանկության բանաձեւը։ Երջանկության ու երկարակեցության։ Նիկոլ Փաշինանի իշխանությունն իսկական ռեկորդ է սահմանում առողջ ապրելակերպի հաստատման հարցում։
Պատկերացրեք՝ հաղթահարում եք աղքատի հոգեբանությունը, հրաժարվում եք սնունդից ու տրանսպորտային միջոցներից… Այդպես կլուծվեն, ի դեպ, ոչ միայն տրանսպորտի ու աղքատության, այլ նաեւ գործազրկության խնդիրները. չսնվող եւ քայլող մարդուն պետք չի լինի նաեւ աշխատել…
Հայկ Մարությանը հավատարիմ է իր առաջին մասնագիտությանը։ Նա այդպես էլ չի հրաժարվել կատակերգակ դերասանի իր ամպլուայից։ Ողջ խնդիրն այն է, սակայն, որ Երեւանը ոչ թե սկետչի նկարահանման հրապարակ է, այլ Հայաստանի՝ 2800 տարեկան մայրաքաղաքը։ Երեւում է՝ Հայկ Մարությանը ոտքով շատ պետք է քայլի այդքանը հասկանալու համար»:
Առավել մանրամասն՝ թերթի այսօրվա համարում
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
Մասիսում հրդեհի հետևանքով կան զnհեր ու վիրավորներ
ԱՄՆ-ն համաձայնել է սառեցնել Իրանի դեմ պատժամիջոցները.Tasnim