Ծխախեղդ է եղել 100 թութակ

Երեւանում եւ մի շարք մարզերում հրդեհներ են բռնկվել: Այս մասին հայտնում է ԱԻ նախարարությունը:

Հունվարի 6-ին, ժամը 19:16-ին «911» ծառայությանն ահազանգ է ստացվել, որ հրդեհ է բռնկվել Երևան քաղաքի Սիլիկյան թաղամասի 3-րդ փողոցի տներից մեկում:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 19:39-ին, մարվել՝ 19:53-ին:

Այրվել է տան բակում գտնվող անասնագոմի տանիքից 5 քմ հատված, ներսում ծխախեղդ է եղել մոտ 100 թութակ:

Հունվարի 6-ին, ժամը 21:19-ին «911» ծառայությանն ահազանգ է ստացվել, որ Արարատի մարզի «Խոր Վիրապ» վանքի մոտակայքում այրվում է հացատուն:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 21:57-ին, մարվել՝ 22:57-ին:

Այրվել են Արաբոյի փողոցի թիվ 22 հասցեում գտնվող «Նռամե» հացատան (սեփականատերը՝ Հ. Մ.) փայտյա կառուցատարրերով պատրաստված վագոն-տնակն ու գույքն՝ ամբողջությամբ (մոտ 60 քմ):

Հունվարի 7-ին, ժամը 03:36-ին «911» ծառայությանն ահազանգ է ստացվել, որ Արմավիրի մարզի Ամասիա գյուղի Կենտրոնական փողոցի թիվ 14 տան բակում այրվում է կուտակած անասնակեր:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 04:05-ին, մարվել՝ 06:51-ին:

Այրվել է գյուղի 1-ին փողոցի թիվ 14 տան (սեփականատերը՝ Ա. Օ.) բակում պահեստավորած անասնակերը (մոտ 100 հակ):

Հունվարի 6-ին, ժամը 17:59-ին «911» ծառայությանն ահազանգ է ստացվել, որ Երևան քաղաքի Դալմայի այգիներում (Իսակովի պողոտայի կողմից) այրվում են խոտածածկ տարածք և ծառեր:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:

Հրդեհը մեկուսացվել է ժամը 18:53-ին, մարվել՝ 19:43-ին:

Այրվել են ծառեր, երկաթե ինքնաշեն տնակում (12 քմ) կուտակած կենցաղային իրեր և փայտե խորդանոց՝ ամբողջությամբ (30 քմ): Հրդեհի հետևանքով տուժածներ չկան:

Հունվարի 7-ին, ժամը 03:50-ին «911» ծառայությանն ահազանգ է ստացվել, որ Կոտայքի մարզի Քանաքեռավան գյուղի 16-րդ փողոցի թիվ 38 տանը հրդեհ է բռնկվել:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:

Հրդեհը մեկուսացվել է ժամը 04:26-ին, մարվել՝ 04:41-ին:

Այրվել են Ս. Ղ.-ի տան տանիքի փայտյա կառուցատարրերը (25 քմ հատված): Տուժածներ չկան:

Լուրեր Հայաստանից - NEWS.am