Զգացե՛ք հայկական հյուրընկալության ոգին ու դրան բնորոշ ջերմությունը «Այաս-Կիլիկիա» ռեստորանում
Իր յուրահատուկ ինտերիերով ու չկրկնվող ճաշացանկով «Այաս-Կիլիկիա» ռեստորանը արդեն երկար տարիներ դարձել է ինչպես տեղացիների, այնպես էլ զբոսաշրջիկների ամենասիրելի վայրերից մեկը: Իսկ արդեն վերաբացված ռեստորանը հասցրել է այցելուներին հաճելիորեն զարմացնել թարմացված խոհանոցով, նոր ճաշատեսակներով, նոր գնացուցակով, նոր առաջարկներով և նոր երաժշտացանկով:
«Այաս-Կիլիկիա»-ն ունի 40-80 անձի համար նախատեսված երկու հարմարավետ սրահներ՝ յուրահատուկ կահավորմամբ: Դրանցից մեկում ներկայացված են պատմական կտավներԿիլիկիան թագավորության ծաղկունքի ժամանակաշրջանից: Մյուսում ցուցադրված է հայկական հնագույն կենցաղային իրերի մի ամբողջ հավաքածու՝ կահ-կարասի, կավե սպասք և այլն: Այստեղ ստեղծված են բոլոր պայմանները՝ գործնական հանդիպումների, ֆուրշետ հյուրասիրության համար: Կորպորատիվ միջոցառում, ծնունդ, մկրտություն կամ ցանկացած այլ առիթ կարող եք նշել ավանդական միջավայրում , վայելել հայկական ավանդական խոհանոցի համադամ ուտելիքները, իսկ հինգշաբթի, ուրբաթ և շաբաթ օրերին նաև կենդանի երաժշտություն ունկնդրել: Ի դեպ, Դուք կարող եք նախապես կազմել սպասվելիք արարողության մենյուն`ընտրելով Ձեզ համար ամենահարմար տարբերակը: «Այաս-Կիլիկիա»-ում հաշվի են առնում յուրաքանչյուր այցելուի ցանկությունը` կազմելով անհատական մենյու՝ ըստ ճաշակի և նախընտրության:
Հայկական հյուրասիրության ջերմությունը հնարավորինս պահպանելու պատասխանատու գործն իր վրա է վերցրել նաև ռեստորանի տիրուհին: Նա սիրում է անձամբ դիմավորել իր հյուրերին, նրանց հետ մտերմիկ շփում հաստատել, հյուրասիրել իր պատրաստած չրերը, լիկյորն ու սեփական բաղադրատոմսով քաղցրավենիքները:
Իսկ ահա ռեստորանի խոհանոցում հայկական ավանադական ուտեստների անկրկնելի բույրը միախառնվում է խոհարարի նոր գաղափարներին և ներկայացվում ժամանակակից մատուցմամբ: Ի դեպ, ռեստորանի համեղ ուտեստների հիմքում ընկած է առողջ սնունդը: Ուտեստների մեջ օգտագործվում են բացառապես թարմ մթերքներ, որոնք չեն պարունակում քիմիական հավելումներ և վնասակար նյութեր:
Դե ինչ, այսքանից հետո մնում է միայն այցելել «Այաս-Կիլիկիա» և պարզապես համեղ ու առողջ սնվել՝ վայելելով իդեալական երեկո հանգիստ ու անաղմուկ միջավայրում:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
ԱՄՆ-ն համաձայնել է սառեցնել Իրանի դեմ պատժամիջոցները.Tasnim
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
Մասիսում հրդեհի հետևանքով կան զnհեր ու վիրավորներ