Քաղաքապետարանը սեփականատիրոջն առանց որոշում ցույց տալու ապամոնտաժել է շինությունը. իսկ շինությունն ապօրինի չէ
Երևանի քաղաքապետի որոշմամբ՝ այսօր Նոր Նորքի Գյուրջյան 1/3 հասցեում ապամոնտաժված 1100քմ տարածք զբաղեցնող կառույցի սեփականատիրոջ ընկերը՝ Արմեն Ահարոնյանը, Tert.am-ի հետ զրույցում ասաց, որ քաղաքապետարանը շենքն ապամոնտաժել է առանց որևէ որոշում, փաստաթուղթ ու հիմնավորում սեփականատիրոջը ներկայացնելու:
«Թաղապետ Հայկ Մհրյանը կանգնած էր, ոստիկանները շրջափակել էին շենքը, մարդիկ եկան քանդեցին ու գնացին: Մենք խնդրեցինք ցույց տալ քանդելու որոշումը, ոչինչ ցույց չտվեցին, քանդելու որոշում չկա, եկել են, քանդում են: Մեր իրավաբանը եկել, թաղապետին ասում է՝ ինչի՞ հիման վրա եք քանդում, թաղապետը փախչում է, ասում է՝ ես տեղյակ չեմ»,-ասաց Արմեն Ահարոնյանը:
Հարցին, թե շինությունն ապօրինի չէ՞ և արդյոք չե՞ն նախազգուշացվել, Արմեն Ահարոնյանն ասաց. «Հողատարածքը մերն է, որի վրա շինություն է կառուցվել, հիմա իրենք ասում են, թե մենք իբր նորմ ենք խախտել և մայթեզրի սահմանագծին ենք մոտեցել, բայց մենք կարգը պահպանել ենք»:
Հիշեցնենք, որ Երևանի քաղաքապետարանն այսօր հայտնել էր, որ քաղաքապետ Հայկ Մարությանի որոշմամբ՝ Նոր Նորք վարչական շրջանում ապամոնտաժվել է ավելի քան 1100 քմ ապօրինի կառույց: Քաղաքապետարանի պաշտոնական կայքն ուղիղ եթերում ցուցադրեց ապամոնտաժման գործընթացը:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
ԱՄՆ-ն համաձայնել է սառեցնել Իրանի դեմ պատժամիջոցները.Tasnim
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Մասիսում հրդեհի հետևանքով կան զnհեր ու վիրավորներ