Երևանի քաղաքապետի ընտրություն տեղի չունեցավ՝ ավագանու նիստը չկայացավ
Երևանի քաղաքապետի արտահերթ ընտրություն այսօր տեղի չունեցավ:
Քվորում չլինելու պատճառով, Երևանի ավագանու այսօրվա արտահերթ նիստը չկայացավ: Ավագանու կիսադատարկ դահլիճում այդ մասին հայտարարեց քաղաքապետի առաջին տեղակալ Կամո Արեյանը: Դահլիճում էին ավագանու 65 անդամներից միայն 5-ը՝ ներկա չէին Հանրապետական ու «Ելք» խմբակցությունները:
Իսկ Երևանի քաղաքապետի միակ թեկնածուն «Երկիր Ծիրանի» կուսակցության և խմբակցության ղեկավար Զարուհի Փոստանջյանն է: Լրագրողների հետ զրույցում Փոստանջյանն ասաց, որ իր առաջադրման մասին պաշտոնական գրությունը պաշտոնապես մուտք է արել քաղաքապետարան՝ դեռ անցած շաբաթ:
Երևանի քաղաքապետի պաշտոնից հանրապետական Տարոն Մարգարյանը հրաժարական է տվել հուլիսի 9-ին:
Երևանի մասին օրենքի համաձայն՝ արտահերթ ընտրությունների ժամանակ ավագանու խմբակցությունները քաղաքապետի թեկնածուներ են առաջադրում, ընտրությունը կատարում է ավագանին՝ իր շարքերից։ Կառավարությունն իրավունք ունի կրճատել գործող ավագանու լիազորությունները կամ ցրել ավագանին, եթե քաղաքապետի հրաժարականից հետո գումարված նիստում կամ դրան հաջորդող երկու շաբաթների ընթացքում քաղաքապետի թեկնածու չի առաջադրվում, կամ առաջադրված թեկնածուն չի հավաքում անհրաժեշտ թվով ձայներ:
Մենք միանգամայն արժանիորեն դուրս եկանք հաջորդ փուլ
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների
Wildberries-ն իրականացրել է աջակցող վճարումների երկրորդ փուլը
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
ՀՀ տարածքում ավտոճանապարհներն անցանելի են
Ինչպես կատարել անշարժ գույքի վարձակալությունից ստացված հարկային պարտավորությունները. ՊԵԿ-ի պարզաբանո...
Մնացական Սաֆարյանն ու Պորտուգալիայի նորանշանակ դեսպանը քննարկել են երկկողմ համագործակցության օրակարգ...
Կարկտապաշտպան համակարգ ներդրած տնտեսավարողների վարկային արտոնությունները կընդլայնվեն. նախագիծ
Երևանի Կենտրոն վարչական շրջանում գազ չի լինի․ հասցեներ