Խոշոր ավտովթար Երեւանում. հրշեջ մեքենան բախվել է էլեկտրասյանն ու տապալել մի քանի ծառեր

Երեւանում, այսօր՝ հուլիսի 10-ին, խոշոր ավտովթար է տեղի ունեցել. ժամը 08:00-ից 08:30-ն ընկած ժամանակահատվածում 24-ամյա Գոռ Պ.-ն իր վարած Isuzu 35 00 ԼIT մակնիշի 335 VV 01 համարանիշի ավտոմեքենայով Ավան վարչական շրջանի Մ. Բաբաջանյան փողոցում դուրս է եկել ճանապարհի հանդիպակաց երթեւեկելի գոտի, բախվել բետոնե էլեկտրասյանը, այնուհետեւ առաջ ընթանալով՝ հայտնվել 36/1 շենքի բակում՝ տապալելով մի քանի ծառեր:

Shamshyan.com-ի փոխանցմամբ, ըստ նախնական տեղեկությունների՝ վթարի հետեւանքով, բարեբախտաբար զոհեր եւ վիրավորներ չկան:

Աղբյուրի տեղեկություններով՝ վարորդ Գոռ Պ.-ն աշխատում է ԱԻՆ փրկարար ծառայությունում եւ վթարի պատճառը եղել է այն, որ ավտոմեքենայի արգելակների հետ խնդիր է առաջացել ու հավաքված ժողովորդն էլ ասում էին, որ միայն վարորդի ճիշտ եւ պրոֆեսիոնալ գործողությունների շնորհիվ է եղել, որ նա կարողացել է կառավարել ավտոմեքենան եւ չի բախվել որեւէ ավտոմեքենայի եւ վրաերթի չի ենթարկել որեւէ քաղաքացու:

Դեպքի վայր են ժամանել նաեւ ԱԻՆ ՓԾ Ավանի հրշեջ-փրկարարական ջոկատը եւ Ավան վարչական շրջանի կանաչապատման պատասխանատուները, որոնք քաղաքացիների հետ հատուկ տեխնիկայի միջոցով մասնատել են տապալված ծառերը, որպեսզի ավտոմեքենան հեշտությամբ դուրս բերվի վթարի վայրից:

Այս թեմայով Մյասնիկյան պողոտայում բախվել են 2 «BMW»-ներն ու «Hyundai Elantra»-ն. կա վիրավոր 22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքունիքի դեպքից Առեղծվածային մահվան դեպք՝ Գեղարքունիքում. Ճամբարակի խաչմերուկում «Mercedes G»–ում հայտնաբերվել է հղի կնոջ մարմին Երևանում բախվել են Lexus-ը ու մոտոցիկլը. վերջինս գլխիվայր շրջվել է. կա 1 զոհ, 2 վիրավոր. «Lexus»-ի վարորդը եղել է ոչ սթափ Դանակահարել են ավտոբուսի վարորդին