Հուլիսի 9-10-ը տաք օդային հոսանքների ներթափանցումը կակտիվանա. Գագիկ Սուրենյան

ՀՀ ԱԻՆ Հիդրոմետ ծառայության օդերևութաբանության կենտրոնի պետ Գագիկ Սուրենյանը Sputnik Արմենիայի եթերում անդրադարձել է առաջիկա օրերի եղանակի տեսությանը։ 

«Ցերեկային ժամերին Հայաստանի հովտային շրջաններում առավելագույնը մինչև 36-37 աստիճան է, իսկ արդեն ամսի 9-ից 10-ն ընկած ժամանակահատվածում տաք օդային հոսանքների ներթափանցումը կակտիվանա, և այդ օրերին ջերմաստիճանը կրկին կբարձրանա, հովտային գոտիներով կրկին կգրանցվի 40 աստիճան տաքություն»։

Նրա խոսքով՝ սաստիկ շոգերն ավելի բնորոշ են հուլիսի 2-րդ տասնօրյակից հետո, բայց սա աննախադեպ երևույթ չէ:

Նա նշել է, որ առաջիկա երկու-երեք օրերին երեկոյան ժամերին քամի կլինի, իսկ ամսի 9-ից հետո քամու ուժգնությունը կնվազի։