Առաջիկա օրերին մինչեւ 40 աստիճան տաքություն կարձանագրվի. Գագիկ Սուրենյան

Առաջիկա 5 օրերին էլ՝ մինչև հուլիսի 2-ը ներառյալ, գտնվելու ենք ակտիվ ջերմային գոտում: Այս մասին այսօր՝ հունիսի 27-ին, լրագրողներին ասել է ՀՀ ԱԻՆ օդերևութաբանական ծառայության ղեկավար Գագիկ Սուրենյանը:

«Տաք օդային հոսանքների առաջին ընդգրկման շրջանները կլինեն Արարատյան դաշտում, որտեղ երեկ առավելագույն ջերմաստիճանը հասել է 34-37 աստիճանի, իսկ այսօր կհասնի մինչև 38 աստիճանի։ Առաջիկա 5 օրերին էլ՝ մինչև հուլիսի 2-ը ներառյալ, գտնվելու ենք ակտիվ ջերմային գոտում»,- ասաց նա։

Նա հայտարարեց որ հանրապետության ամենատաք շրջաններում կարձանագրվի մինչև 40 աստիճան տաքություն։

«Արարատյան դաշտում, Սյունիքի հովտային գոտիներում ջերմաստիճանը կհասնի մինչև 40 աստիճանի»,- ասաց Գագիկ Սուրենյանը՝ նշելով, որ տաք ջերմային ֆոնը կպահպանվի մինչև հուլիսի 2-ը։