ԱՆ-ն կվերանայի սեփականաշնորհման ներկայացված բուժհաստատությունների ցուցակը
Առողջապահության նախարարությունն ուսումնասիրում է բուժհաստատությունների ցուցակը, որոնք նախորդ կառավարության կողմից սեփականաշնորհման են ներկայացված, դրանց վերաբերյալ վերջնական որոշում ընդունելու համար: Այս մասին «Լոֆթ» սրճարանում հանդիպման ժամանակ հայտարարեց առողջապահության նախարար Արսեն Թորոսյանը՝ պատասխանելով «Երեւանի երկաթուղային պոլիկլինիկա» ՓԲԸ տնօրեն Միսակ Նահապետյանի հարցին՝ իր ղեկավարած պոլիկլինիկայի սեփականաշնորհման նպատակահարմարության մասին:
Միսակ Նահապետյանը նախարարին հայտնեց, որ պոլիկլինիկան ծառայությունների մեծ ծավալ է տրամադրում ՀԿԵ 4 հազար աշխատակիցներին եւ տեղի 2 հազար բնակիչներին, եւ իր մոտ է պոլիկլինիկայի զարգացման ծրագիրը, որը նա ներկայացրեց փոխնախարար Արսեն Դավթյանին: Պոլիկլինիկայի տնօրենը հանդես է գալիս սեփականաշնորհման դեմ:
Արսեն Թորոսյանը ներկայացրեց իր դիրքորոշումը. հաստատություններ կան, որոնք պարտադիր պետք է պետական մնան, քանի որ ոչ շահութաբեր ծառայություններ են մատուցում: Եթե դրանք սեփականաշնորհվեն, ապա պարզապես կփակվեն, օրինակ՝ Ուռուցքաբանության կենտրոնը: Ինչ վերաբերում է Երեւանի երկաթուղային պոլիկլինիկային, նախարարի կարծիքով, ռազմավարական նշանակություն չունի՝ այն պետական կմնա, թե մասնավոր: Այդուհանդերձ, Արսեն Թորոսյանը հավելեց, որ այդ ցուցակը մեկ անգամ եւս մանրակրկիտ կհետազոտվի, եւ դրանից հետո նոր որոշում կկայացվի, որը պետք է հաստատվի Ազգային ժողովի կողմից:
Մենք միանգամայն արժանիորեն դուրս եկանք հաջորդ փուլ
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Գանսուի թռչող ձին. չինական նահանգի հնագույն ժառանգություն
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Անգլիական ֆուտբոլում խտրականության ցանկացած դրսևորման համար կսահմանվեն 10-խաղյա որակազրկումներ
Արսեն Թորոսյանը ներկայացրել է սոցիալական պաշտպանության ոլորտում իրականացվող թվայնացման աշխատանքները
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների
ՀԱՄԱՍ- ում հաստատել են զենքը վայր դնելու պատրաստակամությունը
Պետգույքի կոմիտեն ներկայացրել է ավտոմեքենաների և այլ շարժական գույքի առաջիկայում կայանալիք էլեկտրոնա...
Քրեական ոստիկանները բացահայտել են բազմադրվագ հանցագործություններ