«Երևան» հիմնադրամի տնօրենն ու Դավիթաշենի փոխթաղապետը կալանավորվեցին

«Երևան» հիմնադրամի գործունեությանն առնչվող քրեական գործի շրջանակներում մեղադրանք է առաջադրվել հիմնադրամի տնօրեն Աշոտ Ղազարյանին և Դավիթաշենի թաղապետի տեղակալ Խաչատուր Կարապետյանին: Նրանց նկատմամբ որպես խափանման միջոց է ընտրվել կալանքը:

Այս մասին «Ազատությանը» հայտնեցին ԱԱԾ լրատվական ծառայությունից, հավելելով, որ առաջադրված մեղադրանքի բովանդակության մասին ավելի ուշ մանրամասներ կհաղորդեն:

Հիշեցնենք՝ Ազգային անվտանգության ծառայությունը հիմնադրամի գործունեության հետ կապված հարուցել էր քրեական գործ՝ պաշտոնեական լիազորությունների չարաշահման և պաշտոնական դիրքն օգտագործելով կատարված խարդախության հատկանիշներով: Աշոտ Ղազարյանն ու Խաչատուր Կարապետյանն այդ գործի շրջանակում ձերբակալվել էին:

Այս թեմայով Ֆինանսների նախկին նախարարի տեղակալը պետությանը պատճառել է 125 միլիոն ՀՀ դրամի վնաս, նրան մեղադրանք է առաջադրվել. ԱԱԾ Կասկածելի ուղևորուհի՝ Երևան-Կիև չվերթում (տեսանյութ) ԱԱԾ-ն բացահայտել է ֆինանսական բուրգի մասնաճյուղ ստեղծելու եւ առանձնապես խոշոր չափերով գումարներ ներգրավելու դեպք Գագիկ Խաչատրյանի նախկին տեղակալը պետությանը հասցրել է 1,7 մլրդ դրամի վնաս. նա հետախուզվում է. ԱԱԾ բացահայտումը Բացահայտվել է Երեւանի քաղաքապետարանի եւ վարչական շրջանների պաշտոնյաների կողմից 450 մլն դրամի հափշտակման դեպք. ԱԱԾ