Ծննդատան բակում երիտասարդների վիճաբանությունն ավարտվել է ծեծկռտուքով

Հունիսի 7-ին, վիճաբանություն-ծեծկռտուք է տեղի ունեցել Երեւանում։ Ժամը 18։50-ի սահմաններում Քանաքեռ-Զեյթուն բժշկական կենտրոնից ահազանգ է ստացվել ոստիկանության Քանաքեռ-Զեյթունի բաժին, որ իրենց մոտ բուժօգնության է տեղափոխվել մի քաղաքացի՝ «աջ այտոսկրի սալջարդ» ախտորոշմամբ։

Shamhsyan.com-ի փոխանցմամբ, նշված բժշկական կենտրոն են մեկնել ոստիկանութան Քանաքեռ-Զեյթունի բաժնի օպերատիվ խումբը, ովքեր պարզել են, որ վնասվածքը ստացել է Երեւան քաղաքի Դավիթաշեն վարչական շրջանի բնակիչ՝ 59-ամյա Արմեն Բ.-ն։

Վերջինս ոստիկաններին հայտնել է, որ վնասվածքը ստացել է ծննդատան բակում, երբ նկատել է, որ մի խումբ քաղաքացիներ վիճաբանում են ու ինքը փորձել է միջամտել, որպեսզի դադարեցնեն վիճաբանությունը ու այդ ժամանակ հարվածներ է ստացել ինքը։

Քանաքեռ -Զեյթունի ոստիկանության բաժնի քրեական հետախուզության բաժանմունքի ծառայողները Արմեն Բ.-ին մարմնական վնասվածքներ պատճառելու կասկածանքով ոստիկանություն են ներկայացրել Երեւան քաղաքի Քանաքեռ-Զեյթուն վարչական շրջանի բնակիչ՝ 17-ամյա Հրաչյա Ա.-ին, ով, Գ. Շամշյանի տեղեկություններով, սովորում է Երեւանում գործող ավագ դպրոցներից մեկի 11-րդ դասարանում։

Վերջինս հետաքննիչի մոտ կատարվածի մասին բացատրություն տալուց հետո բաց է թողնվել։

Փաստի առթիվ հետաքննչական բաժանմունքում նյութեր են նախապատրաստվում։ Իսկ Արմեն Բ.-ին, ով աշխատում է նշված ծննդատանը՝ որպես տնտեսվար, տրվել է դատաբժշկի ուղեգիր։

Ոստիկանությունը պարզում է նաեւ կռվի մասնակիցների ինքնությունը։

Այս թեմայով Մյասնիկյան պողոտայում բախվել են 2 «BMW»-ներն ու «Hyundai Elantra»-ն. կա վիրավոր 22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքունիքի դեպքից Առեղծվածային մահվան դեպք՝ Գեղարքունիքում. Ճամբարակի խաչմերուկում «Mercedes G»–ում հայտնաբերվել է հղի կնոջ մարմին Երևանում բախվել են Lexus-ը ու մոտոցիկլը. վերջինս գլխիվայր շրջվել է. կա 1 զոհ, 2 վիրավոր. «Lexus»-ի վարորդը եղել է ոչ սթափ Դանակահարել են ավտոբուսի վարորդին