Որպես տատիկ ես անհանգստանում էի նրանց համար. ՅՈՒՆԻՍԵՖ-ի ներկայացուցիչը հեղափոխությանը մասնակցած երեխաների մասին
Հայաստանում վերջին իրադարձությունների ժամանակ նկատելի էր, որքան շատ էին ցանկանում երեխաները եւ դեռահասները մասնակցել բողոքի ակցիաներին եւ հանրահավաքներին. նրանք ցանկանում էին, որ իրենց կարծիքը լսելի լինի, ուզում էին ակտիվ մասնակցություն ունենալ երկրում կատարվող փոփոխություններին: Այս մասին հունիսի 1-ին լրագրողների հետ հանիպմանն ասաց Հայաստանում ՄԱԿ-ի Մանկական հիմնադրամի (ՅՈՒՆԻՍԵՖ) ներկայացուցիչ Տանյա Ռադոչայը:
Պատասխանելով լրագրողներին հարցին այն մասին, թե վտանգավոր չէր արդյոք երեխաների համար բողոքի ակցիաներին մասնակցելը, ՅՈՒՆԻՍԵՖ-ի ներկայացուցիչն ասաց, որ նրանց համար որոշակի ռիսկեր հավանաբար կային:
«Ես չեմ կարող դատել՝ ճիշտ են վարվել արդյոք ծնողները, որոնք իրենց հետ հանրահավաքներին տանում էին երեխաներին: Ամեն մի ծնող վարվում է այնպես, ինչպես ճիշտ է համարում: Որպես մայր եւ տատիկ ես ժամանակ առ ժամանակ անհանգստացել եմ նրանց համար», - խոստովանել է նա:
Նրա խոսքով, հարկավոր է երկրում այնպիսի պայմաններ ստեղծել, որպեսզի երեխաները կարողանան միշտ իրենց կարծիքը հայտնեն, մասնակցեն երկրի կյանքին. ոչ միայն հանրահավաքների ժամանակ, այլեւ «սովորական» օրերին:
Իր հերթին Հայաստանի Աշխատանքի եւ սոցիալական հարցերի նախարարության ընտանիքի, կանանց եւ երեխաների հարցերով վարչության ղեկավար Գեղանուշ Գյունաշյանը նշեց, որ սայլակներով փոքր երեխաներով կանայք ցույցերին չեն մասնակցել առաջին օրերից, այլ միայն ժամանակ, երբ համոզվեցին, որ ցույցերը խաղաղ են եւ երեխաներին հետ նարնց ոչինչ չի սպառնում:
«Այս կանայք գիտեին, որ իրենց երեխաներին ոչինչ չի սպառնում: Նրանք վստահ էին իրենց եւ իրենց երեխաների անվտանգության հմար, հետեւաբար երեխաների հետ էին գալիս ակցիաներին», - նշել է Գեղանուշ Գյունաշյանը:
Մենք միանգամայն արժանիորեն դուրս եկանք հաջորդ փուլ
Wildberries-ն իրականացրել է աջակցող վճարումների երկրորդ փուլը
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Քրեական ոստիկանները բացահայտել են բազմադրվագ հանցագործություններ
Արսեն Թորոսյանը ներկայացրել է սոցիալական պաշտպանության ոլորտում իրականացվող թվայնացման աշխատանքները
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Գանսուի թռչող ձին. չինական նահանգի հնագույն ժառանգություն
Անգլիական ֆուտբոլում խտրականության ցանկացած դրսևորման համար կսահմանվեն 10-խաղյա որակազրկումներ