Մորգան Ֆրիմենը դատի կտա CNN-ին

Միանգամից ութ կին Մորգան Ֆրիմենին մեղադրել է սեռական ոտնձգությունների մեջ: 80-ամյա դերասանն արդեն ներողություն է խնդրել՝ հայտնելով, որ չէր ուզում որեւէ մեկին վիրավորել իր վարքագծով։ Սակայն դերասանների փաստաբանները մտադիր են դատի տալ CNN-ին, որն այդ կանանց մեղադրանքների մասին բարձրաձայնել է:

 Փաստաբանները վստահեցնում են, որ հետաքննություն իրականացրած լրագրողը՝ Քլոե Մելասը, անձնական շահ է հետապնդել հրապարակումն անելիս: Նրանք կարծում են, որ Քլոեն կամ ռասիստ է, կամ ցանկանում է Մորգան Ֆրիմենին վարկաբեկելով անուն հանել: Դերասանի փաստաբանները հենվում են այն փաստի վրա, որ զոհերից մեկը խոստովանել է, որ լրագրողն իր խոսքերը ճիշտ չի ներկայացրել:

CNN-ի ներկայացուցիչները Daily Mail-ին վստահեցրել են, որ չեն պատրաստվում հերքում հրապարակել եւ գնալու են մինչեւ վերջ: