Առողջապահության նախարարը կրճատում է առողջարանային բուժմանն ուղղված ծախսերը
Առողջապահության նախարար Արսեն Թորոսյանն իր ֆեյսբուքյան էջում տեսանյութ է հրապարակել, որտեղ անդրադարձել է նախարարության բյուջեի հատկացումներին:
Թորոսյանը հատկապես ընդգծել է բյուջեի ոչ ճիշտ բաշխումները առողջարանային բուժման մասով: «Ես արդեն կարողացել եմ դուրս գրել մոտ կես միլիարդ դրամի չափով առողջարանային ծախսեր, որոնց մի մասն արդեն բաշխված է: Ես համարում եմ, որ դա շատ անարդյունավետ ծախս է եղել և դրա փոխարեն պետք է նոր բաշխում կատարվի: Մենք, հավանաբար, կկրճատենք ծախսերի մի մասը և կվերաբաշխենք ավելի «կյանք փրկող» ծառայությունների վրա, որտեղ թերֆինանսավորում կա»,-նշել է նախարարը:
Առողջապահության նախարարը հայտարարել է նաև, թե շատ հետևողական է լինելու, որ առողջապահության նախարարության և դրա կառույցների բոլոր թափուր հաստիքները անպայման համալրվեն օրենքի տառին համապատասխան : «Ես շատ հետևողական եմ լինելու, որ բարեկամ, քավոր-սանիկ հարաբերությունները չազդեն այդ որոշումների վրա»,-ասաց Թորոսյանը՝ հավելելով, որ հետևողական է լինելու նաև գնումների մասով: «Շատ հետևողական եմ լինելու, որ խնամի, ծանոթ դրա վրա չազդեն, ինչը կբացառի գների արհեստական բարձրացումն ու «ատկատները»,-ասաց նախարարը՝ հիշեցնելով, որ այս հարցերի հետ կապված հատուկ էլեկտրոնային հասցե կա բացված, որտեղ ուղարկված ահազանգերին անձամբ է ընթացք տալու:
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Մասիսում հրդեհի հետևանքով կան զnհեր ու վիրավորներ
ՇՎՏՄ-ն հորդորում է նշված լցակայանների ցանցից չօգտվել
Ուշադրությո՛ւն՝ մտնում է Իտալիայի չեմպիոնը
Գումար` հանրահավաքին մասնակցելու համար