Թխամաշկ և կարմրահեր. գենետիկները կանխատեսել են արքայազն Հարիի և Մեգան Մարքլի ապագա երեխայի արտաքինը

Մայիսի 19-ին Մեծ Բրիտանիայում կայացել է թագավորական ընտանիքի ամենասիրված անդամներից մեկի՝ արքայազն Հարիի և ամերիկյան դերասանուհի Մեգան Մարքլի պսակադրությունը: Եվ քանի որ հարսնացուի կերպարը, նրա զգեստը, հյուրերի ցանկն ու մյուս մանրամասներն արդեն բազմիցս քննարկվել են, այժմ հերթը թագավորական զույգի առաջնեկինն է:

Ինչպես նշում է life.ru-ն, հիմա մարդկանց հետաքրքիր է, թե ինչպիսի արտաքին է ունենալու թխամաշկ դերասանուհու և կարմրահեր արքայազնի համատեղ երեխան:

Հայտնի է, որ Մարքլի (պսակադրությունից հետո Սասեքսի դքսուհի-tert.am) հայրն ունի անգլիական, իռլանդական ու գերմանական արմատներ, իսկ մայրը՝ աֆրոամերիկյան:

 Մինչդեռ կարմրահեր արքայազն Հարին տիպիկ եվրոպական արտաքին ունի՝ բաց, գրեթե «անգույն» մաշկ, երկնագույն աչքեր:

 Վերլուծելով զույգի արտաքին առանձնահատկությունները՝ գենետիկները հանգել են այն եզրակացությանը, որ 50% հավանականություն կա առ այն, որ առաջնեկի աչքերը կլինեն բաց գույնի:

Սակայն նույնքան հավանականություն կա նաև առ այն, որ դրանք կլինեն շագանակագույն:

Բացի այդ, երեխան, հավանաբար, կունենա թուխ մաշկ: Թեպետ նրան դժվար կլինի մուլատ անվանել, սակայն մգություն, այնուամենայնիվ, կունենա:

Ինչ վերաբերում է մազերի գույնին, ապա, հավանաբար, արքայազն Հարիի կարմրահերության գենը կփոխանցվի երեխային:

Ըստ այդմ՝ թագավորական զույգի առաջնեկը կլինի կարմրահեր, կունենա թուխ մաշկ ու մուգ աչքեր: Չի բացառվում, որ նա կունենա աֆրոամերիկացուն բնորոշ դիմագծեր: