Երեւանի կենտրոնում երիտասարդը կրակել է աղջկա ուղղությամբ

Երեւանում, ապրիլի 2-ին, արտակարգ դեպք է տեղի ունեցել. ժամը 17։00-ի սահմաններում ոստիկանության Երեւան քաղաքի վարչության ծառայողները Թումանյան փողոցի եւ Հյուսիսային պողոտայի խաչմերուկից ոստիկանության կենտրոնական բաժին են բերման ենթարկել Երեւան քաղաքի Ավան վարչական շրջանի բնակիչ՝ 24-ամյա Վլադիմիր Պ.-ին։

Shamshyan.com-ի փոխանցմամբ, ոստիկաններն այնուհետեւ կենտրոնական բաժին են հրավիրել Երեւանի բնակիչներ՝ 27-ամյա Մարգարիտա Ղ.-ին եւ 23-ամյա Մարգարիտա Պ.-ին։ Աղբյուրի տեղեկություններով՝ նույն օրը, ժամը 16։30-ի սահմաններում Թումանյան եւ Կողբացու փողոցների խաչմերուկում ուսով միմյանց դիտավորյալ հարվածելու պատճառով աղջիկներից մեկը վիրավորել է Վլադիմիր Պ.-ին, վերջինս էլ բացահայտ անհարգալից վերաբերմունք է ցուցաբերել հասարակության նկատմամբ եւ դիտավորությամբ կոպիտ կերպով խախտել հասարակական կարգը, որի ժամանակ էլ նա իր մոտ եղած «Բերետա» տիպի օդամղիչ ատրճանակով կրակոցներ է արձակել Մարգարիտա Ղ.-ի եւ Մարգարիտա Պ.-ի ուղղությամբ։

Կրակոցների արդյունքում Մարգարիտա Ղ.-ն ստացել է մարմնական վնասվածք։ Ոստիկանները հայտնաբերել են նաեւ նշված ատրճանակը։

Վլադիմիր Պ.-ն ստորագրությամբ բաց է թողնվել։

Աղբյուրի տեղեկություններով՝ վիրավոր Մարգարիտա Ղ.-ն աշխատում է «ՍԱՍ գրուպ» ՍՊԸ-ում՝ որպես մենեջեր:

Այս թեմայով Երևանում իրանցի 36-ամյա տղամարդը սպառնացել է ինքնահրկիզվել և փորձել է խոչընդոտել ԱԱԾ աշխատակիցների աշխատանքը Ռեստորանի մոտ կռիվ է տեղի ունեցել․ 5 վիրավոր կա Պայթյուն Վարդաշենի շենքերից մեկում. ընտանիքի անդամներ են հիվանդանոց տեղափոխվել Ջրվեժում բախվել են «Mercedes»-ը և «Opel Zafira»-ն. կան վիրավորներ Քաղցրաշեն գյուղում մտել են բնակչի տուն և գողացել մեծ թվով ոսկյա զարդեր և գումար․ պատճառվել է մոտ 6 մլն դրամի վնաս