Նուդիստների համար ռեստորանը առաջարկում է ուտեստները համտեսել մատուցողուհիների մերկ մարմիններից (Լուսանկարներ)
Իսպանիայում նուդիստների համար ռեստորանը՝ Եվրոպայում գործող նմանատիպ վայրերից տարբերվելու համար առաջարկում է ուտեստները համտեսել մատուցողուհիների ու մատուցողների մերկ մարմիններից, գրում է Daily Mail–ը։
Այս շաբաթ բացված Innato Tenerife ռեստորանի հաճախորդներին առաջարկում են հանվել հանուն ախորժալի ուտելիքները եւ «օրգազմիկ մթնոլորտի»։ Նրանք մերկանալուց առաջ հանձնում են սմարթֆոններն ու այլ գաջեթները, ապա հայտնվում սրահում, որ հաճախորդներին իրարից բաժանում են հնդկեղեգյա միջնապատերը։ Ռեստորանն առաջարկում է «աֆրոդիզիակ» ճաշացանկ՝ ուտեստները մատուցվում են մերկ մոդելների մարմինների վրա, որոնց ինտիմ հատվածները թեթեւակի թաքցնում են արմավենու եւ խաղողի տերեւները։ Ամենասիրված ուտեստը «Երջանիկ ավարտ» աղանդերն է՝ մոդելները իրենց մարմնին քսում են շոկոլադ, որով կարելի է համտեսել ելակը։