Մազուրը՝ Ցիմբալյուկի հետ հարաբերությունները խզելու մասին (Տեսանյութ)

ԽՍՀՄ ժողովրդական արտիստ Արմեն Ջիգարխանյանի ու նրանից 44 տարով երիտասարդ կնոջ՝ Վիտալինա Ցիմբալյուկ-Ռոմանովսկայայի ընտանեկան սկանդալը շարունակում է նոր թափ ստանալ:

Ցիմբալյուկի երբեմնի ամենամտերիմ ընկերուհին, որն ավելի վաղ պաշտպանում էր 39-ամյա դաշնակահարուհու շահերը, հեռուստատեսությամբ պատմել է՝ ինչու այլևս չի շփվում Ցիմբալյուկի հետ:

«Նոր ռուսական սենսացիաներ» հաղորդման ժամանակ Մազուրը խոստովանել է, որ ինքն ու Ցիմբալյուկը հորինել էին հղիության մասին լուրը:

«Մենք որոշեցինք Վիտալինայի հղիության մասին լուր տարածել: Քանի որ նա երբեմն շատ տարօրինակ բաներ էր անում ու ոչ փոխկապակցված մեկնաբանություններ տալիս, որոշեցի նրան ինչ-որ տեղ ուղարկել: Արդյունքում Վիտալինան մեկնեց Վրաստան, իսկ մենք տարածեցինք տեղեկություն առ այն, որ նա այնտեղ հիվանդանոցում է պառկած»,-պատմել է Մազուրը:

Դրանից որոշ ժամանակ անց Ցիմբալյուկը որոշել է միայնակ գործել ու առանց Մազուրին տեղյակ պահելու Ռուսաստան է վերադարձել:

Խոսելով իրենց շփման դադարեցման մասին՝ Մազուրը պատմել է. «Մի անգամ նա ինձ ընդամենը 3 բառ ասաց, որոնք միանգամից տակնուվրա արեցին նրա մասին ունեցած կարծիքս: Նա իր հրեշտակի ձայնով հարցրեց՝ ե՞րբ նա կմեռնի (նկատի է ունեցել Ջիգարխանյանին): Ես, իհարկե, շոկի մատնվեցի ու անմիջապես հասկացա, որ ոչ մի սիրո մասին խոսք անգամ լինել չի կարող: Նա մահ էր ցանկանում մի տղամարդու, որի հետ ապրել էր մի քանի տարի, իսկ դա շատ ստոր է: Այդ ժամանակ ես շատ վախեցա, քանի որ մարդկային դատաստանից բացի, կա նաև Աստծո դատաստանը: Նրա ասածը միանշանակ մեղք է»,-կարծիք է հայտնել Մազուրը:

Հաղորդման վերջում Մազուրը դիմել է երբեմնի ընկերուհուն՝ նշելով, որ նա իր համար այլևս գոյություն չունի:

«Խորհուրդ կտամ Վիտալինային կանգնել հայելու առաջ ու ինքն իրեն հարցնել՝ արդյոք այս կյանքում ամաչելու ոչինչ չունի՞»,-եզրափակել է կինը:

Հիշեցնենք, որ 82-ամյա դերասանն ու Վիտալինա Ցիմբալյուկ-Ռոմանովսկայան շարունակում են ամուսիններ լինել, քանի որ կինը բողոքարկել է ամուսնալուծության վճիռը, ինչի պատճառով ամուսնալուծությունը դեռ ուժի մեջ չի մտել։ Այդ մասին kp.ru-ի հետ զրույցում հայտնել էր Ջիգարխանյանի փաստաբան Եվգենի Պարֆյոնովը:

«Դեկտեմբերի վերջին Վիտալինա Ցիմբալյուկը բողոքարկել է դատարանի՝ ամուսնալուծության վերաբերյալ վճիռը»,-պատմել էր Պարֆյոնովը՝ մանրամասնելով, որ դատարանը բավարարել է բողոքը:

«Փաստացի՝ նա շարունակում է Ջիգարխանյանի կինը մնալ: Նրանք ամուսնալուծված չեն»,-ասել էր փաստաբանը:

Դերասանի ու երիտասարդ կնոջ ընտանիքում առկա լուրջ տարաձայնությունների մասին հայտնի էր դարձել 2017թ. հոկտեմբերին, երբ Ջիգարխանյանը Ցիմբալյուկ-Ռոմանովսկայայի հետ ընտանեկան վեճից հետո հիվանդանոց էր տեղափոխվել: Ավելի ուշ նա կնոջը մեղադրել էր իրեն խաբելու ու ամբողջ կարողությանը տիրանալու համար: Դրան հաջորդել էր Ջիգարխանյանի՝ կնոջից պաշտոնապես բաժանվելու վերաբերյալ դատական հայցը: Մոսկվայի դատարանը նրանց ամուսնալուծությունը հաստատել էր նոյեմբերի վերջին:

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)