Դիլիջանում համերգով հանդես կգա Հայաստանի պետական սիմֆոնիկ նվագախումբը
Սեպտեմբերի 5-ին Հայաստանի պետական սիմֆոնիկ նվագախումբը մեծ համերգային ծրագրով հանդես կգա Դիլիջանում։ Green Rock հիմնադրամի, Green Rock ընկերության և Հայաստանի պետական սիմֆոնիկ նվագախմբի միջև օգոստոսի 27-ին ստորագրված հուշագրի շրջանակում սա կլինի առաջին համատեղ միջոցառումը։
«Սիմֆոնիկ Դիլիջան» համերգային ծրագրում ընդգրկված են համաշխարհային և հայկական դասական երաժշտության հայտնի ստեղծագործություններ, այդ թվում՝ Պյոտր Չայկովսկու, Արամ Խաչատրյանի, Առնո Բաբաջանյանի, Դմիտրի Շոստակովիչի, Յոհան Շտրաուս II-ի և Տիգրան Մանսուրյանի ստեղծագործությունները։
Ծրագրի երկրորդ հատվածում կհնչեն նաև հանրահայտ ստեղծագործությունների սիմֆոնիկ մշակումներ՝ Մայքլ Ջեքսոնի «Black or White», System of a Down-ի «Aerials», Queen-ի «The Show Must Go On» և «We Are the Champions», ինչպես նաև Շարլ Ազնավուրի «Les plaisirs démodés» և «Emmenez-moi» երգերը։
Համերգը տեղի կունենա սեպտեմբերի 5-ին, ժամը 19:00-ին, Դիլիջանի Villa 3 Community Hub-ի հարակից տարածքում՝ Մաքսիմ Գորկու 3/2 հասցեում։ Հենց այս տարածքում Green Rock-ը նախատեսում է կառուցել Դիլիջանի նոր և ժամանակակից համերգասրահը։
Համերգը կազմակերպվում է Green Rock հիմնադրամի կողմից՝ Դիլիջանի մշակութային կյանքը հարստացնելու և քաղաքը որպես զբոսաշրջային ուղղություն առավել գրավիչ դարձնելու նպատակով։
Բացօթյա համերգի մուտքն ազատ է բոլոր ցանկացողների համար։
Գիտեմ, որ ճիշտ որոշում եմ կայացնում
Ջազ համերգ՝ Կասկադի տարածքում
Իրան այցի շրջանակում քննարկված մի շարք պայմանավորվածություններ իրականություն են դառնում
Firebird AI կենտրոնը կարող է օգտագործվել արևմտյան հատուկ ծառայությունների կողմից. Շևցով
Մարկո Ռուբիոյին կոչ են արել դադարեցնել Ադրբեջանին ցուցաբերվող ամերիկյան ռազմական աջակցությունը
Երբ դուրս ես գալիս խաղադաշտ, մտածում ես բացառապես հաղթանակի մասին
Իրանի նախագահը հայտարարել է, որ իր երկիրը լայնամասշտաբ պատերազմի վիճակում է
ՄԱԿ-ում վերահաստատվել է Հայաստանի աջակցությունը հատուկ իրավիճակներում գտնվող երկրներին
Երկրորդ սերնդի մոլորակ
«Ժողովրդավարությունը՝ որպես Հայաստանի խաղաղության ուղի». դեսպան Նարեկ Մկրտչյանի ելույթը ԱՄՆ-ում