Իրանի միակ «հաղթանակները» այն հաղթանակներն են, որոնք ստեղծվել են արհեստական բանականության օգնությամբ. Թրամփ

«Հիմա արհեստական բանականությունը դարձել է ապատեղեկատվության ևս մեկ զենք, որն Իրանն օգտագործում է բավականին լավ՝ հաշվի առնելով, որ նրանք օրեցօր ոչնչացվում են: Նրանք ցուցադրեցին կեղծ «կամիկաձե-նավակներ», որոնք իբր կրակում են ծովում գտնվող տարբեր նավերի վրա, ինչը հիանալի, հզոր և դաժան տեսք ունի, բայց այդ նավակները գոյություն չունեն. այդ ամենը կեղծ տեղեկություն է՝ ցույց տալու համար, թե որքան «տոկուն» է իրենց արդեն իսկ պարտված բանակը»,- գրել է Թրամփը:

Թրամփը հերթական անգամ թիրախավորել է «կեղծ լուրեր» տարածող լրատվամիջոցներին՝ հայտարարելով, որ ԱՄՆ ռազմական կորուստների մասին տեսանյութերը բացառապես արհեստական բանականության արդյունք են:

«ԱՄՆ հինգ լիցքավորող ինքնաթիռները, որոնք, իբր, խոցվել և լրջորեն վնասվել էին՝ համաձայն The Wall Street Journal-ի և այլոց կեղծ հաղորդումների, բոլորն էլ շարքի մեջ են, բացառությամբ մեկի, որը շուտով նորից կթռչի երկնքում: Այն շենքերն ու նավերը, որոնք ցուցադրվում են կրակի մեջ՝ այդպես չէ. դա ԱԲ-ի միջոցով ստեղծված ԿԵՂԾ ԼՈՒՐ է»,- գրել է նա: