ԱՄՆ փոխնախագահ Ջեյ Դի Վենսը Fox News հեռուստաալիքին տված հարցազրույցում հայտարարել է, որ Միացյալ Նահանգները չի պատրաստվում ներքաշվել տարիներով ձգվող հակամարտության մեջ։ Նրա խոսքով՝ նախագահ Թրամփի միակ նպատակն է, որպեսզի Իրանը «երբեք չկարողանա տիրապետել միջուկային զենքի»։ «Նախագահը ցանկանում է ոչ միայն իր երկրորդ ժամկետի առաջին երեք-չորս տարիներին պաշտպանել երկիրը իրանական միջուկային զենքից, այլեւ համոզվել, որ Իրանը երբեք չի կարողանա տիրապետել միջուկային զենքի։ Դա պահանջում է իրանական ռեժիմի մտածողության արմատական փոփոխություն»,- նշել է Վենսը։
Նա հավելել է, որ խոսքը երկարաժամկետ ռազմական արշավի մասին չէ։ «Դոնալդ Թրամփը ոչ մի պարագայում թույլ չի տա, որ երկիրը ներքաշվի բազմամյա հակամարտության մեջ։ Մենք չենք պատրաստվում կրկնել այն խնդիրները, որոնք ունեցել ենք Իրաքում եւ Աֆղանստանում»,- ընդգծել է ԱՄՆ փոխնախագահը։ Վենսի խոսքով՝ իրանական միջուկային օբյեկտները կառուցվել են ոչ միայն ուրանի խաղաղ նպատակներով հարստացման համար, ինչպես պնդում էր ռեժիմը, այլ նաեւ միջուկային զենքի մշակման նպատակով։
Իր հերթին ԱՄՆ պետքարտուղար Մարկո Ռուբիոն նախազգուշացրել է, որ Իրանի նկատմամբ ամերիկյան զինուժի ավելի լուրջ հարվածներ են սպասվում։ «Ես չեմ պատրաստվում բացահայտել մեր մարտավարական գործողությունների մանրամասները, սակայն ամենածանր հարվածները ամերիկյան զինուժը դեռ պետք է հասցնի։ Հաջորդ փուլը Իրանի համար լինելու է ավելի խիստ, քան այժմ»,- ասել է Ռուբիոն։
Նա հավելել է, որ Իրանում իրականացվող գործողությունը կտեւի այնքան ժամանակ, որքան անհրաժեշտ կլինի։ «Մենք ունենք նպատակներ։ Մենք կգործենք այնքան ժամանակ, որքան անհրաժեշտ կլինի այդ նպատակներին հասնելու համար»,- հայտարարել է պետքարտուղարը։ «Այս գործողության նպատակը նրանց բալիստիկ հրթիռների ներուժի ոչնչացումն է եւ ապահովելը, որ նրանք չկարողանան այն վերականգնել»,- ընդգծել է Ռուբիոն։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Գայի պողոտայում գտնվող առևտրի կենտրոններից մեկում հրդեհ է բռնկվել
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գազամատակարարման վթարային դադարեցում Երևանի մի շարք հասցեներում
Կենսաթոշակի նշանակման համար ստաժի հաստատումը հեշտացնելու աշխատանքներ են տարվում