Թրամփը հանդես կգա ուղերձով (State of the Union)

ԱՄՆ նախագահ Դոնալդ Թրամփը «Պետության վիճակի մասին» իր ուղերձում (State of the Union) կընդգծի միգրացիոն օրենսդրության խստացման միջոցառումները, դաշնային կառավարության ֆինանսավորման կրճատումը, գերագույն դատարանի կողմից վերջերս չեղարկված լայնածավալ սակագների պահպանման ձգտումը, ինչպես նաև աշխարհի տարբեր երկրներում, այդ թվում՝ Իրանում և Վենեսուելայում, արագ ռազմական գործողություններ ղեկավարելու իր կարողությունը. գրում է APnews-ը։

Ելույթի հիմնական թեման կլինի երկրի «բուռն զարգացման», ներքին արտադրության աճի և նոր աշխատատեղերի ստեղծման մասին պնդումը՝ չնայած այն հանգամանքին, որ շատ ամերիկացիներ այդպես չեն կարծում։

«Դա երկար ելույթ է լինելու, որովհետև խոսելու շատ բան ունենք», — ասել է Թրամփը՝ խոստանալով մեծ ուշադրություն դարձնել տնտեսությանը։