Կանադայի դպրոցներից մեկում հրաձգության հետևանքով 10 մարդ է զոհվել

Կանադայի արևմտյան Բրիտանական Կոլումբիա նահանգի Թամբլեր Ռիջ քաղաքի միջնակարգ դպրոցում տեղի ունեցած հրաձգության հետևանքով 10 մարդ է զոհվել, առնվազն 25-ը վիրավոր է, որոնցից 2-ի վիճակը գնահատվում է ծանր, հայտնում է Reuters-ը՝ հղում անելով տեղական ոստիկանությանը։

Ենթադրյալ հարձակվողը ինքնասպան է եղել։ Ինչպես նշել է AFP-ն, կանադական լրատվամիջոցները սկզբում հայտնել են, որ կրակողը կին է եղել, սակայն ոստիկանությունը դեռևս չի հրապարակել հարձակվողի մասին մանրամասներ։

Կանադայի վարչապետ Մարկ Քարնին սոցիալական ցանցերում հայտարարել է, որ «սարսափած» է կրակոցների մասին լուրից։ «Իմ աղոթքներն ու խորին ցավակցությունները ուղղված են այն ընտանիքներին, ովքեր կորցրել են սիրելիներին այս սարսափելի բռնության ակտի ժամանակ», — հավելել է քաղաքական գործիչը։