Մյունխենի համաժողովում Ռուբիոյի գլխավորած ամերիկյան պատվիրակության մեջ կլինեն 50 կոնգրեսական եւ 2 նահանգապետ

ԱՄՆ պետքարտուղար Մարկո Ռուբիոն փետրվարի 13–15-ը կգլխավորի ամերիկյան պաշտոնյաների «խոշոր պատվիրակությունը» Մյունխենի անվտանգության համաժողովում, հայտնում է Reuters-ը՝ վկայակոչելով համաժողովի ղեկավար Վոլֆգանգ Իշինգերին։

Նախատեսվում է, որ միջոցառմանը կմասնակցեն ԱՄՆ Կոնգրեսի ավելի քան 50 անդամներ, ինչպես նաև Միչիգանի և Կալիֆորնիայի նահանգապետերը։  «Այս պահին, իմ կարծիքով, տրանսատլանտյան հարաբերությունները գտնվում են վստահության լուրջ ճգնաժամի մեջ։ Հենց այդ պատճառով էլ հատկապես հուսադրող է, որ ամերիկյան կողմը Մյունխենի նկատմամբ ցուցաբերում է այդքան մեծ հետաքրքրություն»,- Բեռլինում՝ մամուլի ասուլիսում, ասել է Իշինգերը։