ԱՄՆ-ն կբանակցի Իրանի հետ, եթե Թեհրանը վերադառնա նախկին ձևաչափին. Axios

Միացյալ Նահանգները պատրաստ է բանակցություններ վարել Իրանի հետ արդեն այս շաբաթ, եթե Թեհրանը համաձայնի վերադառնալ նախնական խորհրդակցությունների ձևաչափին, հաղորդում է Axios-ը՝ հղում անելով ամերիկյան աղբյուրին։ Ըստ պորտալի՝ ԱՄՆ-ի և Իրանի միջև Թեհրանի միջուկային ծրագրի շուրջ այս ուրբաթ նախատեսված բանակցությունները չեղարկվել են կողմերի միջև ձևաչափի շուրջ համաձայնության չգալու պատճառով։

Սկզբնական պայմանավորվածությունը նախատեսում էր բանակցությունները անցկացնել Ստամբուլում։ Սակայն ավելի ուշ հաղորդվել է, որ բանակցությունները կտեղափոխվեն Օման, կլինեն երկկող և կկենտրոնանան միջուկային ծրագրի վրա։

Չորեքշաբթի օրը ԱՄՆ-ն որոշել է մերժել Իրանի առաջարկը՝ փոխելու բանակցային ձևաչափը։ «Մենք նրանց ասացինք՝ կամ սա, կամ ոչինչ, և նրանք պատասխանեցին. «Լավ, ուրեմն ոչինչ», - ամերիկացի պաշտոնյայի խոսքերն է մեջբերում Axios-ը։

Աղբյուրը նաև նշել է, որ եթե Իրանը համաձայնի վերադառնալ նախնական ձևաչափին, ԱՄՆ-ն պատրաստ է խորհրդակցություններ անցկացնել այս կամ հաջորդ շաբաթ։