ԱՄՆ ռազմական ուժերն իրանական ԱԹՍ են խոցել

ԱՄՆ ռազմական ուժերը Իրանի Shahed-139 անօդաչու թռչող սարք են խոսել։ Այն մոտեցել էր Արաբական ծովում գտնվող USS Abraham Lincoln ավիակրին. հայտնել է ԱՄՆ Կենտրոնական հրամանատարությունը (CENTCOM)։ Միջադեպի մասին առաջինը հաղորդել էր Reuters գործակալությունը։ Խոցումը կատարվել է F-35C կործանիչով՝ ինքնապաշտպանության և ավիակրի անձնակազմի անվտանգության ապահովման նպատակով։

Իրանի ՄԱԿ-ում մշտական ներկայացուցչությունը հրաժարվել է մեկնաբանությունից։ Իրանի պետական Tasnim գործակալությունը հաղորդել է, որ միջազգային ջրերում կապը կորել է մեկ ԱԹՍ-ի, սակայն պատճառը դեռ անհայտ է։

Միջադեպը տեղի է ունեցել այն պահին, երբ դիվանագետները փորձում են կազմակերպել Իրանի և ԱՄՆ-ի միջև միջուկային բանակցություններ։

ԱՄՆ նախագահ Դոնալդ Թրամփը նախօրեին զգուշացրել էր, որ եթե համաձայնություն չհասնի, ապա «վատ բաներ» կլինեն՝ հաշվի առնելով, որ ԱՄՆ ռազմածովային ուժերը շարժվում են Իրանի ուղղությամբ։