Չինաստանի հետ ավելի սերտ համագործակցությունը «շատ վտանգավոր» է Բրիտանիայի համար. Թրամփ
ԱՄՆ նախագահ Դոնալդ Թրամփը զգուշացրել է Մեծ Բրիտանիային Չինաստանի հետ գործարար և տնտեսական կապերի խորացման վտանգների մասին, այն ժամանակ, երբ վարչապետ Քիր Սթարմերը Պեկին կատարած այցի ընթացքում խոսել է երկկողմ հարաբերությունների վերակարգավորման դրական արդյունքների մասին։ Վաշինգտոնում լրագրողների հետ զրույցում Թրամփը հայտարարել է, որ Չինաստանի հետ ավելի սերտ համագործակցությունը «շատ վտանգավոր» է Բրիտանիայի համար՝ առանց մանրամասնելու իր մտահոգությունները հայտնում է reuters-ը։
Միաժամանակ Պեկինում Սթարմերը նախագահ Սի Ցզինպինի հետ երեքժամյա բանակցություններից հետո հայտարարել է «իրական առաջընթացի» մասին՝ ընդգծելով շուկաների հասանելիության բարելավման, մաքսատուրքերի նվազեցման և ներդրումային համաձայնությունների կարևորությունը։ Նա հատկապես կարևորել է վիզաների ազատ ռեժիմի և բրիտանական վիսկիի մաքսատուրքերի նվազեցման շուրջ ձեռք բերված պայմանավորվածությունները՝ դրանք ներկայացնելով որպես փոխադարձ վստահության կառուցման քայլեր։
Սթարմերը նշել է, որ Մեծ Բրիտանիան չի պատրաստվում ընտրություն կատարել Միացյալ Նահանգների և Չինաստանի միջև՝ շեշտելով Լոնդոնի ռազմավարական գործընկերությունը Վաշինգտոնի հետ պաշտպանության, անվտանգության և հետախուզության ոլորտներում։ Նրա այցը Չինաստան տեղի է ունենում ԱՄՆ արտաքին քաղաքականության շուրջ եվրոպական դաշնակիցների աճող մտահոգությունների ֆոնին, մինչդեռ Վաշինգտոնը հայտնել է, որ նախապես տեղեկացված է եղել բրիտանական կողմի այցի նպատակների մասին։
Առանց ռուսական նավթի, երբ մոտ է վառելիքի գլոբալ դեֆիցիտը
ՄԻՊ-ն ընդունել է Մարդու իրավունքների եզդիական կենտրոնի ղեկավարին
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Փեզեշքիան. ԱՄՆ ագրեսիան ոչնչացնում է համաշխարհային իրավական համակարգը
Էս լրիվ գողական եք հա՞ գնում․ ԱԺ ում լարված մթնոլորտ է
Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա